This article is from Aug 02, 2018

ஹீலர் பாஸ்கர் கைது !

இவர் எந்த வித மருத்துவப் பட்டமும் பெறாத நபர் . ஆனால் தொடர்ந்து பல மருத்துவ விசயங்களை பேசி வந்தவர் . பேச்சில் வித்தகர் பல நாட்டு மக்களும் இவர் பேச்சை ரசிப்பது அவரை அப்படியே பின்பற்றுவார்கள் . இல்லுமினாட்டி என்ற விஷயம் பல ஆண்டுகளாக பல நாடுகளில் பேசப்படுகிறது ஆனால் தானே ஆராய்ந்து கண்டுபிடித்ததாக சொல்கிறார் இவர் . இந்நிலையில் வீட்டில் பிரசவம் பார்ப்பது சரி என்றும் , மருத்துவர் தேவையில்லை என்றும் தொடர்ந்து பேசி வந்தார் . இங்கு சீசேரியன் அதிகம் பார்க்கப்படுகிறது என்பதை மட்டும் வைத்து இங்கு வியாபாரம் ஆக்கப்பட்ட மருத்துவத்தில் உள்ள சிக்கலை வைத்து மக்கள் இருக்கும் கோபத்தை விஞ்ஞானத்திற்கு எதிராகவே பேசி திசை திருப்பி விட்டார் ! 

நமது பார்வை :

அலோபதி மருத்துவ முறையை பின்பற்றும் பல வெளிநாடுகளில் சுகபிரசவத்திற்கு அதிகம் முயற்சிக்கும் போது இங்கு ஏன் அப்படியில்லை என்ற கேள்வி எழாமல் இல்லை . அதே நேரத்தில் அரசு மருத்துவமனையில் இலவசமாக சிக்கிச்சை , இலவச பிரசவம் . இங்கு முறையான சிகிச்சை பெறுவதற்குகூட பண உதவி செய்கிறது அரசு ! இப்படி பல்வேறு உதவிகள் செய்து வீட்டில் பிரசவம் பார்த்து உயிருக்கு ஆபத்து ஏற்படாமல் இருக்க வேண்டும் என எடுக்கப்பட்ட தொடர் முயற்சியால் , உலக அளவில் பிரசவிக்கும் போது தாயின் மரண சதவிகித்தை விட இந்தியாவில் குறைவு என்ற நிலை ! அதிலும் தென்னிந்தியாவில் மிகக் குறைவு என்ற நிலை ! MMR தொடர்ந்து குறைத்துக் கொண்டு வருகிறோம்  என்பது எல்லாம் Data க்கள் சொல்லும் தகவல் ! இப்படியான நிலையில் வீணாக முறையாக மருத்துவம் தெரியாத நபர்களை நம்பி உயிருக்கு பாதிப்பை ஏற்படுத்திக் கொள்ளக் கூடாது .

அலோபதி விரும்பாதவர்கள் பிற மருத்துவமான சித்தா , ஆயுர்வேத போன்ற மருத்துவர்களை அணுகி ஆலோசனை பெறலாம் . முறையாக படித்தவர்களிடம் . சீசேரியன் தான் சிக்கல் பயம் எனில் அரசு மருத்துவமனையை அணுகலாம் ! பெரும்பாலும் அங்கு சுகப்பிரசவமே . 

இதை விடுத்து வீட்டில் பிரசவம் பார்ப்பது எப்படி என விளம்பரம் செய்த ஹீலர் பாஸ்கர் கைது செய்யப்பட்டுள்ளார் . இங்கு இது போன்ற அங்கீகாரம் அற்ற ஆட்கள் செய்வதை சட்டம் எதிர்கிறது . என்பதை நினைவில் வைக்கவும்.

Please complete the required fields.




Back to top button
loader