இந்தியாவில் தான் 4ஜி இணைய வேகம் மிகக்குறைவு.

பரவிய செய்தி

உலகிலேயே இந்தியாவில் தான் 4ஜி இணைய வேகம் மிகக் குறைவாக உள்ளது .

மதிப்பீடு

சுருக்கம்

இந்தியா 4ஜி இணைய சேவையில் 15 இடத்தில இருந்தாலும் , 4ஜி இணைய வேகத்தில் மிகக்குறைவாக உள்ளது .

விளக்கம்

லண்டனை தலைமையிடமாகக் கொண்ட ஓப்பன் சிக்னல் என்ற நிறுவனம் உலகளவில் ஓர் ஆய்வை நடத்தியது . இந்த ஆய்வானது உலகத்தில் உள்ள நாடுகளில் உள்ள 4ஜி இணைய சேவை மற்றும் இணைய வேகம் பற்றியது . இந்த ஆய்வில் வெளியிடப்பட்ட தகவல்கள் சுவாரசியமானதாக உள்ளது .

Advertisement

இந்தியாவில் 2016 ஆண்டின் இடையில் 71.6 சதவீதமாக இருந்த 4ஜி இணைய சேவை 2017 ஆண்டில் தொடக்கத்தில் 81.6 சதவீதமாக அதிகரித்துள்ளது . மேலும் இணைய சேவை அதிகமாக கிடைக்கும் நாடுகளில் இந்தியா 15 வது இடத்தை பிடித்துள்ளது .

JIOவின் வருகைக்கு பின்னே இவ்வாறு இந்தியா 4ஜி இணைய சேவையில் முன்னேறியுள்ளது என்று தான் கூற வேண்டும் . இந்தியாவின் இணைய சேவையில் புதிய மாற்றத்தை கொண்டு வர 2016 ஆண்டு JIO களம் இறங்கியது . JIOவின் தொடக்கத்தில் இலவசமாக 4ஜி இணைய சேவையை வழங்கி வந்தனர் . இதனால் 4ஜி சேவை பற்றி அறியாத மற்றும்  பயன்படுத்தாதவர்கள் கூட அதிகமாக உபயோக்கிக்கத் தொடங்கினர் .

4ஜி இணைய சேவையில் முன்னேறி இருந்தாலும் , அதன் வேகம் என்று வரும் போது மிகக் குறைவாக உள்ளது என்று ஆய்வு கூறுகிறது . இந்தியாவின் சராசரி 4ஜி இணைய வேகம் 5.1 எம்பிபீஎஸ் ஆக உள்ளது .  உலகின் சராசரி 3ஜி இணைய வேகம் 4.4 எம்பிபீஎஸ்யை விட இந்தியாவில் சிறிதளவே அதிகமாக 4ஜி இணைய வேகம் உள்ளது என்று தகவல் தெரிவித்துள்ளனர் .

4ஜி இணைய வேகத்தில் சிங்கப்பூர் முதல் இடத்தைப் பிடித்துள்ளது . 4ஜி இணைய சேவை அதிகம் உள்ள நாடுகளில் தென்கொரியா முதல் இடத்தில உள்ளது . உலகின் சராசரி 4ஜி இணைய வேகம் 16.2 எம்பிபீஎஸ் ஆக உள்ளது .

இந்தியா 75 நாடுகள் கொண்ட பட்டியலில் பாகிஸ்தான் , ஸ்ரீலங்கா நாடுகளால் பின்னுக்கு தள்ளப்பட்டு 74வது இடத்தை பிடித்துள்ளதால் , இந்தியாவை உலகின் 4ஜி இணைய வேகம் குறைவாக கொண்ட நாடு என்று அறிவித்துள்ளனர் .

Advertisement

அரசியல் கட்சி, பெரு நிறுவனங்களின் துணை இன்றி இயங்கும் நிறுவனம் , உண்மை கண்டறிதல் செய்வது எத்தனை சிக்கலான பணி என்பது மக்களுக்கு தெரியும். எங்கள் துணையாக உங்களை அழைக்கிறோம் சந்தா கட்டி தொடர்ந்து YouTurn மக்களின் பத்திரிகையாக இயங்க உறுப்பினர் ஆகுங்கள்.

Join Membership

Ask YouTurn

Please complete the required fields.




ஆதாரம்

Leave a Reply

Your email address will not be published. Required fields are marked *

Back to top button