Fact Check

இரயில்வே உணவுகள் மனிதர்கள் உண்பதற்கு ஏற்றதில்லை.

பரவிய செய்தி

இந்திய ரயில்களில் வழங்கப்படும் உணவுகள் மனிதர்கள் உண்பதற்கு ஏற்றது அல்ல .

மதிப்பீடு

விளக்கம்

  இந்திய பாராளுமன்றத்தில் இந்திய தலைமை தணிக்கைக்குழு தலைவர் ஓர் அறிக்கையை தாக்கல் செய்தார் . அதில் இந்திய ரயில்வேயில் வழங்கப்படும் உணவுகள் மனிதர்கள் உண்பதற்கு ஏற்றது அல்ல , அசுத்தமானது , மறுசுழற்சி செய்யப்பட்டது , கெட்டுப்போன  உணவுகளை கொடுப்பதாகவும் , அனுமதி இல்லாத தண்ணீர் பாட்டில்கள் விற்பனை செய்வதாகவும் கூறியுள்ளனர் .

Advertisement

உணவு தயாரிக்கும் பணிகளை செய்பவர்கள் ரயில்வே கொள்கைகளை கடைப்பிடிக்காமல் தவறாக நடந்து கொள்கின்றனர் . மேலும் இந்த ஆய்வில் தூய்மை மற்றும் சுகாதாரத்தை இவர்கள் மேற்கொள்வதில்லை என்றும் குறிப்பிட்டுள்ளனர் . அவர்கள் விற்பனை செய்யும் பொருள்களுக்கு ரசீது போன்றவை வழங்குவதும் இல்லை .

தணிக்கைக் குழுவும் , நிர்வாகமும் சேர்ந்து 74 ரயில்வே நிலையங்களிலும் , 80 ரயில்களிலும் மேற்கொண்ட ஆய்வில் முடிவில் ரயில்களிலும் , நிலையங்களிலும் உணவு தயாரிப்பில் சுத்தம் , சுகாதாரம் மேற்கொள்வதில்லை என்று கூறியுள்ளனர் .

மக்கள் குடிக்கும் தண்ணீர் சுத்தகமாக வருவது இல்லை , குப்பைத்தொட்டிகள் சரியாக சுத்தம் செய்வது இல்லை , உணவு பொருள்கள் நன்றாக மூடப்படுவதில்லை . இதனால் பூச்சிகள் , ஈக்கள் , எலிகள் போன்றவற்றால் நோய் தொற்று ஏற்படலாம் என்றெல்லாம் கூறினர் .

குஜராத் ரயில்களில் உணவு பட்டியலில் அல்லாத உணவுகளை வழங்குவதாகவும் , எண்ணிக்கைகள் குறைவாகவும் , அனுமதி இல்லாத குடிநீர் பாட்டில்கள் விற்பனை செய்வதாகவும் புகார்கள் எழுந்துள்ளன .

நம் தேசத்தில் எங்கும் ஊழல் உள்ளது என்பதற்கு இது போன்ற பல செய்திகளை நாம் பார்த்துக்கொண்டு மட்டுமே இருக்கின்றோம் .

Do you think Youturn’s fact-checking is important? Donate and make it your own people's newspaper!
YouTurn உண்மையை சொல்லும் பணி முக்கியம் என நினைக்கின்றீர்களா? நன்கொடை அளித்து நீங்களே மக்கள் பத்திரிகையாக இயங்க வழி செய்யுங்கள்.

Ask YouTurn

Please complete the required fields.




ஆதாரம்

Back to top button