ட்ரம்ப் சவூதி செல்வதை 17 ஆண்டுகளுக்கு முன்பே கணித்துள்ளனரா ?

பரவிய செய்தி

மதிப்பீடு

சுருக்கம்

விளக்கம்

உலகில் நடந்து கொண்டிருக்கும் பல நிகழ்வுகள் முன்கூட்டியே சிலரால் கணிக்கப்படுகிறது என்றும், அதை சிலரே தீர்மானிக்கின்றனர் என்றும் கூறி சில செய்திகள் நம்மை சுற்றி வலம் வருகின்றன.

அவ்வாறு முன்கூட்டியே சொல்லப்பட்ட நிகழ்வுகளில் ஒன்று தான் அமெரிக்க அதிபராக டொனால்டு ட்ரம்ப் பதவியேற்ற பிறகு அரேபியா சென்றது, அது பற்றிய பல நிகழ்வுகள் 17 ஆண்டுகளுக்கு முன்பாக வெளியான “Simpson” என்ற கார்ட்டூன் தொடரில் தெளிவாக இடம்பெற்றதாகவும் கூறிய செய்திகள் இணையத்தில் அதிகளவில் வைரலாகி வருகின்றன. இவை அனைத்தும் ரகசியக் குழுக்களால் தீர்மானிக்கப்பட்டது என்று பலரும் நம்பி வருகின்றனர்.

“Simpson” என்ற கார்ட்டூன் தொடரானது பல ஆண்டுகளாக ஒளிபரப்பு செய்யப்பட்ட மிக நீண்ட கார்ட்டூன் தொடர் ஆகும். இத்தொடரானது வருங்காலத்தில் நடைபெறும் நிகழ்வுகளை முன்கூட்டியே சொல்வது இல்லை, முன்பு நடந்த நிகழ்வுகளை கேளிக்கையாக கார்ட்டூன் வடிவில் தொடராக வருபவை. தெளிவாக கூற வேண்டும் என்றால், 17 ஆண்டுகளுக்கு முன்பு “Simpson” கார்ட்டூன் தொடரில் அமெரிக்க அதிபர் ட்ரம்ப், அரபி மன்னர் என்று மூன்று பேர் ஒரு உருண்டையை சுற்றி நின்று தொடும் படத்தை போன்று 2017-ல் நிகழ்ந்ததாகக் கூறுவது முற்றிலும் தவறு.

இப்படங்கள் மே 21, 2017-ல் சவூதியில் நடைபெற்ற  குளோபல் சென்டர் ஃபார் காம்படிங் எக்ஸ்ட்ரிமிஸ்ட் ஐடியோலாஜியின் தொடக்கவிழாவில் கலந்து கொண்ட அமரிக்க அதிபர் ட்ரம்ப், சவூதி மன்னர் சல்மான் பின் அப்துலாசிஸ், எகிப்து அதிபர் அப்டெல் பாடாஹ் அல்-ஸிஸி ஆகியோர் எடுத்துக் கொண்டது. இதை கார்ட்டூன் படங்களாக மாற்றி மே 26, 2017-ல் youtube-ல் வெளியாகிய தொடரில் பயன்படுத்தியுள்ளனர். இப்படங்கள் சுவற்றில் இடம்பெறும் காட்சியை வீடியோவின் தொடக்கத்தில் 6 வது நொடியில் பார்க்கலாம்.

இத்தகைய கார்ட்டூன் படங்கள் இங்கு எவ்வாறு பெரிய தாக்கத்தை ஏற்படுத்தியதோ அதேபோல் அமெரிக்காவிலும் சர்ச்சையை உண்டாக்கின.

அரசியல் கட்சி, பெரு நிறுவனங்களின் துணை இன்றி இயங்கும் நிறுவனம் , உண்மை கண்டறிதல் செய்வது எத்தனை சிக்கலான பணி என்பது மக்களுக்கு தெரியும். எங்கள் துணையாக உங்களை அழைக்கிறோம் சந்தா கட்டி தொடர்ந்து YouTurn மக்களின் பத்திரிகையாக இயங்க உறுப்பினர் ஆகுங்கள்.

Join Membership

Ask YouTurn

ஆதாரம்