Fact Check

பாலைவனமாக இருந்த பகுதியா இப்படி மாறியுள்ளதா ?

பரவிய செய்தி

பாலைவனமாக இருந்த ராஜஸ்தான் மற்றும் குஜராத்திற்கு இடைப்பட்ட தேசிய சாலைகள் இப்பொழுது அழகிய காடுகளாக மாறியுள்ளது .

மதிப்பீடு

சுருக்கம்

தெற்கு ஆஸ்திரேலியாவில் உள்ள கங்காரோ என்ற தீவில் அமைந்துள்ள சாலையை இந்தியாவில் உள்ளது என்று கூறியுள்ளனர் ..

விளக்கம்

காடுகளுக்கு இடையே அமைந்துள்ள சாலைகள் என்று அழகிய தோற்றத்தை கொண்டுள்ள இந்த படமானது வலைதளங்களில் மிகவும் பிரபலமானது . இந்த படத்தில் உள்ள சாலைகள் தங்களது ஊரை சேர்ந்தது  என்ற கூறி பலர் இப்படத்தை பல கதைகளுடன் பதிவிடுகின்றன . எனினும்  , வடநாட்டில் மூன்று ஆண்டுகளுக்கு முன் நடந்ததாக ஒர் புதிய கதையை இப்படத்தை தொடர்புப்படுத்தி உருவாக்கியுள்ளனர் .

Advertisement

2014 ஆண்டில் பதவியேற்ற பாரதப் பிரதமர் மோடி அவர்கள் ராஜஸ்தானில் இருந்து குஜராத்திற்கு காரில் பயணம் செய்த போது இந்த பாலைவன சாலைகளின் வழியாக சென்றுள்ளார் . இந்தபகுதியை பார்த்து வேதனை அடைந்த மோடி அவர்களுக்கு ஓர் சிந்தனை தோன்றியது . சாலைகளில் இருபுறமும் மேடுபள்ளங்களாக இருப்பதால் தண்ணீரை தக்கவைத்து கொள்ளும் , எனவே எளிதாக பசுமையாக்கி விடலாம் என்று நினைத்துள்ளார் . அதன்பின் அதிகாரிகளை அழைத்து இரண்டு ஆண்டுகளுக்குள் இப்பகுதி பசுமையாக வேண்டும் என்று ஆணையிட்டுள்ளார் .

இதை தொடர்ந்து பல லட்ச மரங்கள் நடப்பட்டு , போர்கால நடவடிக்கை மூலம் இப்பகுதிக்கு தண்ணீரை கொண்டு வந்து காடுகளை வளர்க்கும் பணியை தொடங்கினர் . பிரதமர் வெளிநாடுகளில் இருந்தாலும் இந்த காடுகள் வளர்க்கும் முயற்சி எந்த நிலையில் உள்ளது என்று விசாரிப்பார் . மூன்று ஆண்டுகளுக்கு பின் இப்படி ஒரு அழகிய காடுகளை உருவாக்கி உள்ளார் . இதற்காக யுனெஸ்கோசான்றிதழ் வழங்கியுள்ளது . இவ்வாறு ஒரு கதையை பல இடங்களில் சிலர் கூறி வருகின்றனர் . இன்னும் பலர் இந்த படமானது எங்கள் ஊரில் உள்ள சாலையில் எடுக்கப்பட்டது என்று பல பதிவுகளை பதிவிட்டுள்ளனர் .

ஆனால் இந்த காட்டில் உள்ள சாலையானது இந்தியாவிலேயே இல்லை . தெற்கு ஆஸ்திரேலியாவில் உள்ள கங்காரோ என்ற தீவில் அமைந்துள்ளது . ஆஸ்திரேலியாவில் சுற்றுள்ள செல்பவர்கள் நீண்ட தூர பயணங்களுக்கு கங்காரோ தீவில் அமைந்துள்ள சாலைகளை தேர்ந்தெடுப்பர் . சுற்றுலா பயணிகளை கவரும் விதத்தில் இந்த படங்களை இணையத்தில் வெளியிட்டுள்ளனர் . இவ்வாறு இருக்கையில் பலர் தங்களது ஊரில் உள்ள சாலை என்று தவறான கதைகளை கூறுவது கேளிக்கையாக உள்ளது .

Do you think Youturn’s fact-checking is important? Donate and make it your own people's newspaper!
YouTurn உண்மையை சொல்லும் பணி முக்கியம் என நினைக்கின்றீர்களா? நன்கொடை அளித்து நீங்களே மக்கள் பத்திரிகையாக இயங்க வழி செய்யுங்கள்.

Ask YouTurn

Please complete the required fields.




ஆதாரம்

Back to top button