மகிழ்ச்சியை அளிக்க நடைபயணம் செய்யும் நாடோடி சிங்கம்.

பரவிய செய்தி

UK வை சேர்ந்த NGO அமைப்பின் நிறுவனர் டேவிட் அத்தோவே நாடோடி சிங்கம் என்று அழைக்கப்படுகிறார் . இந்தியாவில் தற்கொலை செய்து கொண்ட விவசாயிகள் குடும்பங்களுக்கு நிதி திரட்ட கன்னியாகுமரி முதல் அம்ரித்சர் வரை நடை பயணம் மேற்கொண்டு உள்ளார் .

மதிப்பீடு

சுருக்கம்

நல்ல உள்ளம் கொண்ட மனிதர்கள் இவ்வுலகில் சிறிதாவது இருக்கத்தான் செய்கிறார்கள் ..

விளக்கம்

 உண்மையில் நல்ல உள்ளம் கொண்டவர் டேவிட் அத்தோவே . UK வை சேர்ந்த NGO ஒருவர் இந்தியாவின் விவசாயிகள் குடும்பங்களுக்கு உதவ வந்துள்ளது பாராட்டப்பட வேண்டிய செயல் . டேவிட் அத்தோவே  walk of joy india என்ற நடைப்பயணத்தை மேற்கொண்டுள்ளார் .

Advertisement

இவர் நாடோடி சிங்கம் என்று அழைக்கப்படுகிறார் . இவரின் நோக்கம் நடைபயணம் மூலம் நிதி திரட்டி வணிக நெருக்கடியால் பாதிக்கப்பட்டு தற்கொலை செய்து கொண்ட இந்திய விவசாயிகளின் குடும்பங்களுக்கு உதவுவது ஆகும் .

இந்த பயணம் ஜூலை 15 2017 தமிழ்நாட்டில் உள்ள கன்னியாகுமரியில் தொடங்கி 13 மாநிலங்களில் 6000 km தொலைவை கடந்து மே 2018 இல் பஞ்சாபில் உள்ள அம்ரித்சரில் முடிவடைகிறது . நடைபயணத்தில் விவசாயிகள் , அரசு சாரா நிறுவனங்களுக்கு நிலையான விவசாயம் பற்றி விழிப்புணர்வை ஏற்படுத்தி பிரச்சாரம் செய்யவும் , வாடிக்கையாளர்களை நேரடியாக தொடர்புகொள்ளுமாறு  பேச உள்ளார் .

நடைபயணத்தின் நோக்கம் இந்தியாவில் மக்களுக்கு மகிழ்ச்சியையும் , நல்ல கருத்துகளை கூறுவது ஆகும் . இதனால் திரட்டப்படும் நிதியானது ஆதரவற்ற விவசாயிகளின் குடும்ப பெண்களுக்கு மாத உதவி தொகையாகவும் , குழந்தைகளுக்கு கல்வி உதவிக்காகவும் வழங்கப்படும் . இந்த அமைப்புடன் சில தொண்டு நிறுவனங்களும் சேர்ந்து உதவி செய்ய உள்ளன .

இவர்களின் லட்சியம் பிரச்சாரம் மூலம் உலகம் முழுவதும் மகிழ்ச்சியை பகிர்ந்து கொள்ளுவது ஆகும். உதவ முன் வருபவர்கள் www.walkofjoy.in என்ற இணைய முகவரியை அணுகுமாறு கேட்டுக் கொண்டுள்ளனர் .

உலகத்தில் மனிதநேயம் சிறிதாவது உள்ளது என்பதற்கு இவர்களே சான்று . நாட்டு மக்களுக்கு அரசு செய்ய வேண்டிய கடமைகளை இவர்கள் போன்றவர்கள் செய்ய முன்வந்துள்ளனர் .

Advertisement
Do you think Youturn’s fact-checking is important? Donate and make it your own people's newspaper!
YouTurn உண்மையை சொல்லும் பணி முக்கியம் என நினைக்கின்றீர்களா? நன்கொடை அளித்து நீங்களே மக்கள் பத்திரிகையாக இயங்க வழி செய்யுங்கள்.

Ask YouTurn

Please complete the required fields.




ஆதாரம்

Back to top button