மீராகுமார் ராஜீவ்காந்தி வீட்டில் பணிபுரிந்தவரா ?

பரவிய செய்தி

குடியரசுத்தலைவர் வேட்பாளரான மீரா குமார் ராஜீவ்காந்தி வீட்டில் வேலை செய்தவர் என்பது உங்களுக்கு எத்தனை பெயருக்கு தெரியும் .

மதிப்பீடு

சுருக்கம்

வக்கீலுக்கு படித்தவரை ராஜீவ்காந்தி வீட்டில் பணிபுரிந்தவர் என்று கூறுவது நியாயமா !!!

விளக்கம்

ஜூலை 2017 ல் நடந்த இந்தியா குடியரசுத்தலைவர் பதவிக்காக தேர்தல் நடைபெற்றது . இதில் ஆளும் பிஜேபி கட்சி சார்பில் ராம்நாத் கோவிந்த் போட்டியிட்டார் , எதிர்க்கட்சிகள் காங்கிரஸ் கூட்டணி சார்பில் போட்டியிட்டவர் மீரா குமார் . இருவரும் தலித் சமூகத்தை சேர்ந்தவர்கள் , அரசியல்வாதிகள் , நன்கு படித்த வழக்கறிஞர்கள் என இவர்களுக்குள் பல ஒற்றுமைகள் காணப்பட்டன .

Advertisement

 பீகாரில் ஆராஹ் மாவட்டத்தில் பிறந்தவர் மீரா குமார் . இவரது தந்தை ஜக்ஜீவன் ராம் அவர்கள் பிரதான தலித் தலைவர் , இவர் இந்தியாவின் துணை பிரதம மந்திரியாக பணியாற்றியவர் . இவரின் தாய் இந்த்ராணி தேவி சுதந்திர போராட்ட போராளி ஆவார் .

மீரா குமார் சட்டப் படிப்பு மற்றும் ஆங்கில இலக்கியத்தில் முதுகலைப் பட்டம் பெற்றவர் . அவர் 1973 ஆம் ஆண்டு இந்திய வெளியுறவுசேவையில் இணைந்தார் , அதன்பின் ஸ்பெயின் , மொரீஷியஸ் , ஐக்கிய ராஜ்ஜியம் ஆகிய நாடுகளின் தூதரகங்களில் பணிபுரிந்தவர் .

1985 ஆம் ஆண்டில் அரசியலில் நுழைந்த மீரா குமார் , உத்திரப்பிரதேசம் பிஜினுரில் இருந்து தேர்ந்தெடுக்கப்பட்டார் . அன்றைய காலகட்டத்தில் ராம்விலாஸ் பாஸ்வான் , மாயாவதி போன்ற மிகப்பெரிய தலித் தலைவர்களை தோற்கடித்தார் . 2009 இல் மன்மோகன் சிங்க் தலைமையில் ஐக்கிய முற்போக்கு கூட்டணி அரசாங்கத்தில் நீர்வள துறை அமைச்சராக பதவி ஏற்றார் . அதன் பின் லோக் சபாவின் சபாநாயகராக தேர்ந்தெடுக்கப்பட்டார் .

இதனால் இந்திய நாட்டின் முதல் பெண் சபாநாயகர் ஆனார் மீரா குமார் . இவ்வருடம் நடந்த குடியரசுத்தலைவர் தலைவர் தேர்தலில் 35 லட்சம் வாக்குகள் பெற்று தோல்வி அடைந்தாலும் , எதிர் அணியில் இதுவரை யாரும் இவ்வளவு வாக்குகள் பெற்றது இல்லை . அத்தகைய சாதனை படைத்தவர் . அவரை ராஜீவ்காந்தி வீட்டில் பணிபுரிந்தவர் என்று தவறாக செய்திகளை சமூக வலைதளங்களில் பரப்பி வருகின்றனர் . இது அவரை இழிவுப்படுத்த சிலர் செய்யும் காரியங்கள் .

Do you think Youturn’s fact-checking is important? Donate and make it your own people's newspaper!
YouTurn உண்மையை சொல்லும் பணி முக்கியம் என நினைக்கின்றீர்களா? நன்கொடை அளித்து நீங்களே மக்கள் பத்திரிகையாக இயங்க வழி செய்யுங்கள்.

Advertisement

Ask YouTurn

Please complete the required fields.




ஆதாரம்

Back to top button