This article is from Nov 11, 2017

ரெட்மி நோட் 4 போன் ஷோவ்ரூமில் வெடித்ததா ?

பரவிய செய்தி

சியோமி ரெட்மி நோட் 4 செல்போன் ஷோவ்ரூமில் தீ பற்றி எரிந்தது …

மதிப்பீடு

சுருக்கம்

ரெட்மி போன்கள் வெடிக்கவில்லை. எனினும், தவறான சார்ஜர்களை உபயோகிக்க வேண்டாம் என்று நிறுவனம் அறிவித்துள்ளது.

விளக்கம்

சியோமி ரெட்மி நோட் 4 என்ற புதிய வகையை சேர்ந்த செல்போன் வாடிக்கையாளர்களின் எதிர்பார்புகளை கொண்டுள்ளதால் அதிகமாக விற்பனை செய்யப்படுகின்றது . இந்நிலையில் ஷோவ்ரூம் ஒன்றில் ரெட்மி நோட் 4 வெடித்ததாக கூறி சமூக வலைதளங்களில் ஓர் செய்தி வேகமாக பரவி வருகின்றது .

சியோமி நிறுவனத்தின் இந்தியாவின் தலைவர் மானு ஜெயின் பெங்களூர் ரெட்மி செல்போன் வெடித்ததாக கூறி பரவி வரும் செய்திக்கு மறுப்பு தெரிவித்துள்ளார் . பெங்களூரில் உள்ள பூர்விகா கடைக்கு வந்த வாடிக்கையாளர் செல்போனில் இருந்த சிம் கார்டை விற்பனையாளர் மாற்றும் பொழுது ரெட்மி செல்போன் தீ பற்றியது என்று கூறி தவறான செய்திகளை பரவுகின்றன . செல்போன் வெடித்ததாக கூறும் பூர்விகா கடையில் எந்த ஒரு வீடியோ ஆதாரமும் இல்லை என்றுள்ளார் .

மேலும் , அவர் இரண்டும் வெவ்வேறு நிகழ்வுகள் என்றும் , இதில் ஒன்று விசாரணை செய்து நிறுவனத்தால் தீர்க்கப்பட்டது என்று கூறினார் . ஜூலை 17 ம் தேதி ஒரு வாடிக்கையாளர்  சியோமி ரெட்மி நோட் 4 குறை என்று கூறிக் கொண்டுவந்துள்ளார் . அந்த செல்போன் வீட்டிலையே சேதமடைந்தது என்று தெரிந்த பிறகும் எச்சரிக்கை செய்த பிறகு எடுத்துகொண்டதாகவும் , முழுமையான தொழில்நுட்ப விசாரணையில் வாடிக்கையாளர் பயன்படுத்திய மூன்றாம் தரப்பு சார்ஜரால் சேதமடைந்தது என்று கண்டறிந்துள்ளார்கள் .

போனில் உடல் ரீதியான பாதிப்புகளும் எற்பட்டுள்ளது . வாடிக்கையாளரால் தூண்டப்பட்ட சேதம் என்றாலும் ஜூலை 24 ம் தேதி புதிய சியோமி ரெட்மி நோட் 4 செல்போன் மாற்றித் தரப்பட்டது என்று ஜெயின் கூறியுள்ளார் .

தவறான செய்தியாக இருந்தாலும் செல்போன்கள் வெடிக்காமல் பார்த்துக்கொள்ள வேண்டியது நம் கையில் தான் உள்ளது . பாதுகாப்பு மிகமுக்கியமானது என்று கருதி செல்போன்களுக்கு ஏற்ற தகுந்த சாதனங்களை பயன்படுத்துங்கள்  ..

Please complete the required fields.




ஆதாரம்

Back to top button
loader