This article is from Nov 16, 2017

லஞ்சத்தில் இந்தியா முதல் இடம்.

பரவிய செய்தி

ஆசிய நாடுகளில் எடுக்கப்பட்ட கருத்துக்கணிப்பில் அதிகம் லஞ்சம் கொடுக்கப்படும் நாடுகளின் பட்டியலில் இந்தியா முதல் இடத்தை பிடித்துள்ளது .

மதிப்பீடு

சுருக்கம்

ஆசியாவின் 16 நாடுகளில் நடத்தப்பட்ட மக்கள் மற்றும் ஊழல் என்ற கருத்துக்கணிப்பில் இந்தியா முதல் இடத்தில் உள்ளது …

விளக்கம்

தற்போது இந்தியாவை ஆளும் பிரதமர் நரேந்திர மோடி அவர்களின் நோக்கம் ஊழல் இல்லாத இந்தியாவை உருவாக்குவது ஆகும் . இப்படி இருக்கையில் ட்ரான்ஸ்பரன்சி இன்டர்நேஷனல் மற்றும் அண்டி கரப்ஷன் குளோபல் சிவில் சொசைட்டி ஆர்கனிசெசன் இணைந்து ஆசியாவில் உள்ள  16 நாடுகளில் லஞ்சம் கொடுப்பதை பற்றி கருத்துக்கணிப்பை நடத்தினர் . இந்த கருத்துக்கணிப்பில் இந்தியா முதல் இடத்தை பிடித்துள்ளது என்று கூறியுள்ளனர் .

இந்தியாவில் 10 இல் 7 பேர் அரசின் பொது சேவைகளை மக்கள் பெற லஞ்சம் கொடுக்க வைப்பதாக கணக்கெடுப்பில் தெரிய வந்துள்ளது . இந்த கருத்துக்கணிப்பில் ஜப்பானில் மிககுறைவாக 0.2 சதவிகிதம் மக்களே சேவைகளுக்கு லஞ்சம் கொடுக்கின்றன .

இந்தியா மற்றும் சீனா போன்ற மிகப்பெரிய பொருளாதார நாடுகளில் பொதுசேவையை பெற லஞ்சம் கொடுக்கப்படுகிறது . இரு குழுக்களும் மக்கள் மற்றும் ஊழல் என்ற தலைப்பில் ஆசிய நாடுகளில் 2200 நபர்களிடம்  கருத்துக்கணிப்பை நடத்தினர் .

அனைத்து நாடுகளில், இந்தியாவில் மட்டும் பள்ளிகளில் 58 சதவிகிதமும் , மருத்துவமனைகளில் 59 சதவிகிதமும் லஞ்சம் வழங்கப்படுவதாக தெரியவந்துள்ளது . கடந்த முறை நடத்திய கருத்துக்கணிப்பில் 41% பெற்று 7வது இடத்தில் இந்தியா இருந்தது . இப்பொழுது பாகிஸ்தான் , ஆஸ்திரேலியா , மியான்மர் , இலங்கை போன்ற நாடுகளை விட அதிகரித்து உள்ளது .

பொது சேவைகளில் அதிக அளவு லஞ்சங்கள் காவல் துறையில் வழங்கப்படுவதாக மக்கள் கூறியுள்ளனர் . காவல் உள்பட பொது சேவை நிறுவனங்களுக்கு லஞ்சம் பணமாகவோ , பொருளாகவோ வாங்கப்படுகின்றன . இந்த கருத்துக்கணிப்பு குழுத் தலைவர் இல்ஹாம் முஹம்மத் கூறுகையில் இது போன்று பொது சேவைகளுக்கு மக்கள் லஞ்சங்கள் வழங்குவது தவறானது . இதனால் பொது சேவைகளான சுகாதாரம் , கல்வி , சட்டம் ஒழுங்கு போன்றவை பாதிக்கப்படும் என்று கூறினார் .

இந்தியாவை பொறுத்தவரை லஞ்சம் என்பது இன்றியமையாத ஒன்றாக மாறியுள்ளது . லஞ்சம் கொடுக்காமல் எந்த ஒரு பொது சேவையையும் பெற இயலாது என்பதை இந்த கருத்துக்கணிப்பு உணர்த்தியுள்ளது .

Please complete the required fields.




ஆதாரம்

Back to top button
loader