வெள்ளத்தால் பாதிக்கப்பட்ட மக்களுக்காக களமிறங்கிய எம்எல்ஏ.

பரவிய செய்தி

மதிப்பீடு

சுருக்கம்

விளக்கம்

அஸ்ஸாம் மாநிலத்தில் பெய்து வரும் கனமழையால் பல்வேறு மாவட்டங்கள் வெள்ளத்தால் பாதிக்கப்பட்டுள்ளது . பிரம்மப்புத்திரா போன்ற முக்கிய நதிகளில் வெள்ளம் ஏற்பட்டு மக்கள் வசிக்கும் ஆயிரக்கணக்கான பகுதிகள் பாதிப்புக்குள்ளாக்கி உள்ளது . போக்குவரத்து , மின்சாரம் போன்றவை துண்டிக்கப்பட்டு உள்ளதால் மக்கள் அவதிக்குள்ளாகியுள்ளனர் . மக்கள் பாதிக்கப்பட்ட பகுதியில் இருந்து பாதுகாப்பான பகுதிக்கு அழைத்து செல்லப்பட்டு தங்கவைக்கப்பட்டுள்ளனர் . அவர்களுக்கு தேவையான உணவு , நிவாரண பொருள்கள் ஆகியவற்றை மாவட்ட நிர்வாகமும் , சமூக அமைப்புகளும் வழங்கினர்.

இந்த நிலையில் பாதிக்கப்பட்ட மக்களுக்கு நிவாரண பொருள்களை தன் முதுகில் தூக்கி சென்று உதவி செய்துள்ளார் அம்மாநில சட்டமன்ற உறுப்பினர் ரூப்ஜோதி குர்மி . அவர் உதவி செய்யும் காட்சிகள் சமூக வலைதளங்களில் அதிகமாக பரவி வருகின்றது . இதனால் அவருக்கு பலர் பாராட்டுகளையும் , நன்றிகளையும் தெரிவித்தனர்.

இது குறித்து அவர் கூறுகையில் , நான் மற்றவர்களிடம் இருந்து வேறுபட்டவன் அல்ல , நானும் சாதாரண மனிதன் தான் . நான் ஒரு எம்எல்ஏ வாக இருக்கலாம் . ஆனால், நான் அவர்களில் ஒருவன் . அவர்களுக்கு உதவி செய்வதில் எனக்கு மகிழ்ச்சி என்றார் . ரூப்ஜோதி குர்மி மரியானி தொகுதியின் எம்எல்ஏ ஆவார் . இவரின் தயார் ரூபம் குர்மி இந்த தொகுதியில் வெற்றி பெற்று அமைச்சராக இருந்தவர் . அவர்களின்  மறைவுக்கு பிறகு இதே தொகுதியில் போட்டியிட்டு எம்எல்ஏ வாக தேர்ந்தெடுக்கப்பட்டுள்ளார் என்பது குறுப்பிடத்தக்கது .

 மக்களை பற்றி கவலை கொள்ளாத தலைவர்கள் இருக்கும் இதே தேசத்தில் தான் இது போன்ற உண்மையான தலைவனும் உள்ளார்கள் ..