குக் வித் கோமாளி மணிமேகலை மதம் மாறியதாக வதந்தி பரப்பும் வலதுசாரிகள் !
பரவிய செய்தி
மணிமேகலை… எப்படி ஆரம்பிச்சது எப்படி முடிஞ்சிருக்கு பாத்திங்களா லவ் ஜிகாத் மதமேன பிரிந்தது போதும்.
மதிப்பீடு
விளக்கம்
பிரபல தனியார் தொலைக்காட்சியில் வெளியாகும் குக் வித் கோமாளி நிகழ்ச்சி மூலம் பிரபலமடைந்த சின்னத்திரை தொகுப்பாளர் மணிமேகலை சில ஆண்டுகளுக்கு முன்பாக ஹுசேன் எனும் நடனக் கலைஞரை காதல் திருமணம் செய்து கொண்டார். சமீபத்தில் அந்நிகழ்ச்சியில் இருந்து வெளியேறுவதாக அறிவித்தார்.
இந்நிலையில், திருமணம் செய்து கொண்ட போது காதலுக்கு மதமில்லை என புகைப்படத்துடன் பதிவிட்ட மணிமேகலை, தற்போது மதம் மாறி உள்ளதாக இப்புகைப்படங்கள் சமூக வலைதளங்களில் வலதுசாரிகளால் பரப்பப்பட்டு வருகிறது. இதை மீடியான் இணையதளத்தின் ஆசிரியர் குழு உறுப்பினர் சரவண பிரசாத் பாலசுப்ரமணியன் தனது டிவிட்டர் பக்கத்தில் பதிவிட்டுள்ளார்.
மணிமேகலை…
எப்படி ஆரம்பிச்சது
எப்படி முடிஞ்சிருக்கு பாத்திங்களா
லவ்_ஜிகாத்
மதமேன பிரிந்தது போதும் pic.twitter.com/BBBujiHHVh
— A Senthil Kumar (@ASenthi12447593) March 22, 2023
மணிமேகலை…
எப்படி ஆரம்பிச்சது
எப்படி முடிஞ்சிருக்கு பாத்திங்களா
லவ்_ஜிகாத்
மதமேன பிரிந்தது போதும் pic.twitter.com/QpEg21SdUP
— பாஜக தகவல் தொழில் நுட்ப பிரிவு- செங்கம் (@karthinpm) March 21, 2023
உண்மை என்ன ?
வைரல் செய்யப்படும் படங்களை ரிவர்ஸ் இமேஜ் சேர்ச் செய்கையில், ஹுசேன்-மணிமேகலை திருமண புகைப்படத்துடன் கூடிய பதிவு 2017 டிசம்பர் 6ம் தேதி மணிமேகலையின் ட்விட்டர் பக்கத்தில் பதிவாகி இருக்கிறது. இருவருக்கும் சென்னை பாரீஸ் கார்னர் சார் பதிவாளர் அலுவலகத்தில் பதிவு திருமணம் நடைபெற்றதாக மற்றொரு பதிவில் குறிப்பிட்டு உள்ளனர்.
Hussain & Me 💍
Got Married Today🤗
Sudden Register Marriage.
Failed to convince my Dad, went out of Hands, hence this decision. I strongly believe that he ll understand me 1 day.LOVE HAS NO RELIGION
I Love You Hussain ❤️
Sri Rama Jayam
Allah pic.twitter.com/qta8meT5nm— MANIMEGALAI (@iamManimegalai) December 6, 2017
அடுத்ததாக உள்ள புகைப்படத்தை ரிவர்ஸ் இமேஜ் சேர்ச் செய்கையில், 2020 மே 25ம் தேதி ரம்ஜான் பண்டிகையை முன்னிட்டு இப்புகைப்படத்தை மணிமேகலை ட்விட்டரில் பதிவிட்டு இருக்கிறார்.
Eid Mubarak 🕌
Munadi lam Na en friends kitta briyani kepen Ramzan ku 🐒 ipo ellarum enkitta briyani kekaranga 🍗 🥘 Oreyyy Nagaichuvaiya iruku po 😹😃#eidmubarak2020 pic.twitter.com/5vR0bwFi4N— MANIMEGALAI (@iamManimegalai) May 25, 2020
2020ல் இந்த புகைப்படத்தை பதிவிட்ட பிறகு மணிமேகலை மதம் மாறி விட்டதாக சமூக வலைதளங்கள் மற்றும் யூடியூப் வீடியோக்கள் வெளியாகத் தொடங்கின. அதற்கு மணிமேகலை ட்விட்டர் பக்கத்தில், யாரும் மதம் மாறவில்லை. ஹுசேன் என்னுடன் கோவிலுக்கு வருவார், நாங்கள் ரம்ஜான் கொண்டாடுவோம். நாங்கள் தெளிவாக இருக்கிறோம் எனப் பதிவிட்டு இருந்தார்.
Happy Ramzan solradhuku ellam matham maaritu than sollanuma 😉 yaarum inga convert aagala. Hussain comes with me to temple & we also celebrate Ramzan. We both are clear. Unga confusions ah inga kondu varathinga pls. Thank you https://t.co/T3Bfb0qQBD
— MANIMEGALAI (@iamManimegalai) May 25, 2020
கடந்த 2 ஆண்டுகளாக இதுபோன்ற பதிவுகளை பார்ப்பதாகவும், இருவரும் சேர்ந்து கோவிலுக்கு சென்று பொங்கல் வைத்ததாகவும் ட்விட்டரில் மணிமேகலை பதிவிட்டு இருக்கிறார்.
❤️❤️❤️ pic.twitter.com/JpmQrKJKCI
— MANIMEGALAI (@iamManimegalai) May 7, 2020
2023 மார்ச் 6ம் தேதி ஹுசேன் மணிமேகலை தங்களின் புதிய இல்லத்திற்கு பாலக்கால் பூஜை செய்ததாகக் கூறி புகைப்படம் ஒன்றை மணிமேகலை ட்விட்டரில் பதிவிட்டு இருந்தார். இந்த புகைப்படமும் சமூக வலைதளங்களில் வைரலானது.
HM Farm House பாலக்கால் பூஜை 🙏
With God’s grace & hardwork starting to build our kutty Empire 👫 Gonna be our happy place whenever we visit Village 🌴Keep wishing us the best as always Chottiiiii’s 💛
Dream it & Do it 😎#HussainManimegalai pic.twitter.com/T8fwzsSPwg— MANIMEGALAI (@iamManimegalai) March 6, 2023
மேலும் படிக்க : சாவர்க்கரின் சிறை அறை, நேருவின் சிறை வசதி எனப் பரப்பப்படும் தவறான ஒப்பீடு !
இதற்கு முன்பாக, மீடியான் இணையதளத்தின் ஆசிரியர் குழு உறுப்பினர் சரவண பிரசாத் பாலசுப்ரமணியன் தனது டிவிட்டர் பக்கத்தில் சாவர்க்கரின் சிறை, நேருவின் சிறை என தவறான ஒப்பீட்டு தகவலை பரப்பியது குறித்தும் கட்டுரை வெளியிட்டு இருந்தோம்.
முடிவு :
நம் தேடலில், மணிமேகலை மதம் மாறியதாகப் பரப்பப்படும் தகவல் வதந்தியே. கடந்த சில ஆண்டுகளாகவே இப்படியொரு வதந்தி பரப்பப்பட்டு வருகிறது. இதற்கு மணிமேகலையும் மறுப்பு தெரிவித்து பதில் அளித்து இருக்கிறார் என்பதை அறிய முடிகிறது.
