10 ரூபாய் காசு செல்லா காசா ?

பரவிய செய்தி

1000 , 500 ரூபாய் நோட்டுகள் செல்லாததை தொடர்ந்து 10 ரூபாய் நாணயங்களும் செல்லாது . எனவே 1௦ ரூபாய் நாணயங்களை யாரும் வாங்கவேண்டாம் .

மதிப்பீடு

சுருக்கம்

வங்கிகளில் பழைய 1000 , 500 ரூபாய் நோட்டுகள் வைக்கவே இடம் இல்லாததால் 10 ரூபாய் வாங்க மறுத்தனர். இதே வதந்தியாக பரவியது .

விளக்கம்

நாட்டில் 1000 , 500 ரூபாய் நோட்டுகள் செல்லாது என்பதை தொடர்ந்து 10 ரூபாய் நாணயங்களும் செல்லாது என்ற பரவிய செய்தியால் பல இடங்களில் 10 ரூபாய் வாங்கப்படாமல் இருந்தது . மேலும் போலியான நாணயம் , செல்லாத நாணயம் என்று எழுதிய தாள்கள் பல இடங்களில் ஒட்டப்பட்டன .

Advertisement

அத்தியாவசிய விற்பனை பொருள்கள் வாங்கும் இடம் , பெட்ரோல் பங்குகள் , சந்தைகள் போன்றவை மட்டும் அல்லாமல் அரசு போக்குவரத்து வாகனங்களில் கூட 10 ரூபாய் நாணயங்களை வாங்க மறுத்தனர் . இவ்வாறு தவறான செய்தியால் மக்கள் குழப்பத்தில் ஆழ்ந்தனர் . ஒருசிலர் தங்களிடம் உள்ள நாணயங்களை வங்கி கணக்குகளில் செலுத்த தொடங்கினர் .

10 ரூபாய் நாணயங்கள் வாங்க மறுத்தது உண்மை என்றாலும் அதற்கான காரணத்தை எவரும் புரிந்துக் கொள்ளவில்லை . ஒருசில சிறு வங்கிகள் தங்களிடம் அதிகப்படியான நாணயங்கள் வைக்க போதுமான இடவசதி இல்லாத காரணத்தால் பைகளில் நிரப்பிக் கொண்டு வரும் நாணயங்களை வாங்க மறுத்தனர் .

குறிப்பாக நாட்டில் 1000 , 500 ரூபாய் நோட்டுகள் செல்லாத நிலையில் வங்கிகளில் பழைய ரூபாய் நோட்டுகளின் எண்ணிக்கை அதிகளவில் இருந்ததால் போதுமான பாதுகாப்பான இடவசதி இல்லை என்பதால் வாங்க மறுத்துள்ளனர் . இதனால் 10 ரூபாய் நாணயங்கள் செல்லாது என்று தவறாக புரிந்துக் கொண்டு அதிவேகமாக செய்திகள் பரவியது .

மேலும் 2011 ற்கு பிறகு வந்த நாணயங்களில் ரூபாய் குறியீட்டை அறிமுகம் செய்தனர் . எனவே பல நாணயங்களில் வேறுபாடுகள் காணப்பட்டதால் போலியான நாணயங்கள் என்று தவறாக புரிந்துக் கொண்டனர் . இதுபோன்ற தவறான தகவல்களை மக்கள் புறக்கணிக்க வேண்டும் ரிசர்வ் வங்கி அறிவுரை வழங்கியுள்ளது .

அரசியல் கட்சி, பெரு நிறுவனங்களின் துணை இன்றி இயங்கும் நிறுவனம் , உண்மை கண்டறிதல் செய்வது எத்தனை சிக்கலான பணி என்பது மக்களுக்கு தெரியும். எங்கள் துணையாக உங்களை அழைக்கிறோம் சந்தா கட்டி தொடர்ந்து YouTurn மக்களின் பத்திரிகையாக இயங்க உறுப்பினர் ஆகுங்கள்.

Advertisement

Join Membership

Ask YouTurn

Please complete the required fields.




ஆதாரம்

Leave a Reply

Your email address will not be published. Required fields are marked *

Back to top button