1809-ல் உலகின் முதல் இரயில் பயணம் தொடங்கிய வீடியோவா ?

பரவிய செய்தி

உலகின் முதல் ரயில் ஓட தொடங்கியது, சுமார் 211 ஆண்டுகளுக்கு முன்பு 1809 டிசம்பர் 24ல் வீடியோ பார்க்க வேண்டியது. பயணத்தின் போது சில சுவாரஸ்யமான நிகழ்வுகள்..

மதிப்பீடு

விளக்கம்

சுமார் 211 ஆண்டுகளுக்கு முன்பாக 1809-ல் டிசம்பர் 24-ல் உலகின் முதல் இரயில் இயக்கப்பட்ட காட்சிகள் என 3 நிமிடம் கொண்ட இவ்வீடியோ கடந்த ஆண்டு முதலே சமூக வலைதளங்களில் பகிரப்பட்டு வருகிறது.

Advertisement

உண்மை என்ன ?

உலகின் முதல் இரயில் தொடங்கிய காட்சி குறித்து தேடுகையில், 2015 முதலே இவ்வீடியோ யூடியூப் உள்ளிட்டவையில் பகிரப்பட்டுள்ளன. ஆனால், இந்த வீடியோ முதல் இரயில் இயக்கப்பட்டது தொடர்பான வீடியோ காட்சிகள் அல்ல.

உண்மையில், 1923-ம் ஆண்டில் ” Our Hospitality ” எனும் பெயரில் வெளியான திரைப்படத்தில் இடம்பெற்ற காட்சியே இவை. 1830-ம் காலக்கட்டத்தில் உள்ளது போன்று அமைக்கப்பட்டு எடுக்கப்பட்ட இருக்கிறது.

Advertisement

இங்கிலாந்தில் ஸ்டோக்டன் மற்றும் டார்லிங்டன் ரயில்வே முதல் பொது பயணிகள் நீராவி எஞ்சின் ரயிலை 1825 செப்டம்பர் 27-ல் டார்லிங்டனில் இருந்து ஸ்டோக்டன் வரை இயக்கப்பட்டது. Our Hospitality திரைப்படத்தில் காண்பிக்கப்பட்ட மாதிரி இரயில் அமைப்பு 1830-ல் ஜார்ஜ் ஸ்டீபன்சன் லோகோமோட்டிவ் உடையது.

முடிவு :

நம் தேடலில், 1809 டிசம்பர் 24ல் உலகின் முதல் இரயில் ஓட தொடங்கிய போது எடுக்கப்பட்ட காட்சி என பகிரப்படும் வீடியோ 1923-ல் வெளியான திரைப்படத்தில் இருந்து எடுக்கப்பட்ட வீடியோவே. மேலும், இது 1809-ல் இயக்கப்பட்ட இரயில் அமைப்பை வைத்து எடுக்கப்பட்டவை அல்ல, 1830களை மையமாகக் கொண்டு எடுக்கப்பட்ட திரைப்படம் என அறிய முடிகிறது.

அரசியல் கட்சி, பெரு நிறுவனங்களின் துணை இன்றி இயங்கும் நிறுவனம் , உண்மை கண்டறிதல் செய்வது எத்தனை சிக்கலான பணி என்பது மக்களுக்கு தெரியும். எங்கள் துணையாக உங்களை அழைக்கிறோம் சந்தா கட்டி தொடர்ந்து YouTurn மக்களின் பத்திரிகையாக இயங்க உறுப்பினர் ஆகுங்கள்.

Join Membership

Ask YouTurn

Please complete the required fields.




ஆதாரம்

Leave a Reply

Your email address will not be published. Required fields are marked *

Back to top button