2000 ரூபாய் நோட்டை அச்சடிப்பதை நிறுத்தியது ரிசர்வ் வங்கி.

பரவிய செய்தி

ரிசர்வ் வங்கி 2000 ரூபாய் நோட்டுகள் அச்சடிப்பதை நிறுத்தி உள்ளது , மேலும் புதிய 200 ரூபாய் நோட்டுகளை அச்சடித்து அடுத்த மாதம் வெளியிட உள்ளது .

மதிப்பீடு

சுருக்கம்

சில்லறை தட்டுப்பாடை போக்க புதிய 200  ரூபாய் நோட்டுகள் வருகின்றன ….

விளக்கம்

 இந்தியாவில் சென்ற வருடம் 1000 மற்றும் 500 ரூபாய் நோட்டுகள் செல்லாது என்று அறிவித்து புதிய 500 மற்றும் 2000 ரூபாய் நோட்டுகளை வெளியிட்டனர் . புதிய 2000  நோட்டுகளால் மக்கள் பெரிதும் பாதிக்கப்பட்டனர் . சிறுவணிகத்தில் 2000 நோட்டுகளுக்கு சில்லறை எங்கும் இல்லாத நிலை ஏற்பட்டது .

Advertisement

அதன்பின் புதிய 500 நோட்டுகளை வெளியிட்டாலும் , சில்லறை தட்டுப்பாடு அணைத்து இடங்களிலும் இருக்கத்தான் செய்கின்றது . இதனால் புதிய 200 ரூபாய் நோட்டுகளை வெளியிட தீர்மானித்தனர் .எனவே 2000 நோட்டுகள் அச்சடிப்பதை நிறுத்திக்கொண்டு புதிய 200 ரூபாய் நோட்டுகளை அச்சிட்டு வருகின்றனர் ரிசர்வ் வங்கி . ஆகஸ்ட் மாதத்தில் புதிய நோட்டுகளை வெளியிட திட்டமிட்டனர் .

2016 ல் பணமதிப்பு குறைப்பால் பெறப்பட்ட பழைய 1000 ரூபாய் நோட்டுகள் 6.3 பில்லியன் , அவற்றை விட அதிகமாக 3.7 பில்லியன் அதாவது 7.4 லட்சம் கோடி மதிப்பிற்கு புதிய 2000 ரூபாய் நோட்டுகளை அச்சடித்ததாக RBI தெரிவித்துள்ளது . புதிய 200 ரூபாய் நோட்டுகள்  அச்சடிக்கும் முதல் பகுதி ஜூன் மாதத்திலே ஆரம்பித்து விட்டார்கள் . எனவே நாட்டில் சில்லறை மாற்றத்திற்கு பிரச்சனைகள் ஏற்படாது என்று கூறியுள்ளனர் .

2000 நோட்டுகளை தடை செய்யப் போகிறார்கள் என்றெல்லாம் அச்சம் கொள்ள தேவை இல்லை . புதிய 200 ரூபாய் நோட்டுகளை அச்சடிக்கும் பணிக்காக நிறுத்தி உள்ளனர் . எனவே, தவறான செய்திகள் வந்தாலும் நம்ப வேண்டாம் மக்களே ..

Do you think Youturn’s fact-checking is important? Donate and make it your own people's newspaper!
YouTurn உண்மையை சொல்லும் பணி முக்கியம் என நினைக்கின்றீர்களா? நன்கொடை அளித்து நீங்களே மக்கள் பத்திரிகையாக இயங்க வழி செய்யுங்கள்.

Ask YouTurn

Advertisement
Please complete the required fields.




ஆதாரம்

Back to top button