அண்ணாமலை மதுவந்தியின் காலில் விழுந்ததாகப் பரவும் பாஜக எஸ்.ஜி.சூர்யாவின் வீடியோ!
![](https://youturn.in/wp-content/uploads/2024/03/annamalai-and-Vyjayanthi-Fact-Check.jpg)
பரவிய செய்தி
அண்ணாமலை மதுவந்தி காலில் விழுந்து ஆசிர்வாதம் வாங்குகிறார் சரி.. மதுவந்தி இடது பக்கம் யாரு என்று தெரியுதா மக்களே ?
மதிப்பீடு
விளக்கம்
பாஜக மாநிலத் தலைவர் அண்ணாமலை, மதுவந்தியின் காலில் விழுவதைப் பாருங்கள் என்று கூறி புகைப்படம் ஒன்று சமூக ஊடகங்களில் வைரலாகப் பரவி வருகிறது. மேலும் அப்பதிவுகளில் மதுவந்தியின் இடதுப்பக்கம் நடிகர் விஜய்யின் அம்மாவான, ஷோபா சந்திரசேகர் இருப்பதைப் பாருங்கள் என்றும் குறிப்பிட்டு பரப்பப்படுகிறது.
// அண்ணாமலை மதுவந்தி காலில் விழுந்து ஆசிர்வாதம் வாங்குகிறார் சரி.. //
சரி இல்ல, #தப்பு. அப்ப இடது பக்கம் யார் இருந்தால் நமக்கென்ன? https://t.co/zYeWOogV60— anbudan BALAஎ.அ.பாலா (@AmmU_MaanU) March 10, 2024
மேலும் சில பதிவுகளில் ஷோபா சந்திரசேகர் பாஜக கட்சியைச் சேர்ந்த ஒருவரை சந்தித்துள்ளதாகவும் கூறி புகைப்படம் ஒன்று சமூக ஊடகங்களில் பரவி வருவதையும் பார்க்க முடிகிறது.
அணில்ஸ் எல்லாம் கமெண்ட்ல கொதறவதற்கு முன்னாடி இதை பார்த்துட்டு பேசுங்கடா ..
பாஜக கட்சிகார்ர் தான் இவரும் https://t.co/JO8hEn0sjn pic.twitter.com/JiH27blmyK
— vaishali (@vaisu_tweets) March 10, 2024
உண்மை என்ன?
பரவி வரும் புகைப்படத்தை கூகுள் ரிவர்ஸ் இமேஜ் செர்ச் மூலம் ஆய்வு செய்து பார்த்ததில், இந்த புகைப்படத்தோடு தொடர்புடைய வீடியோ பாஜகவைச் சேர்ந்த எஸ்.ஜி.சூர்யாவின் எக்ஸ் பக்கத்தில் மார்ச் 8 அன்று பதிவு செய்யப்பட்டிருந்ததைக் காண முடிந்தது.
அதில், “முன்னாள் தென்சென்னை பாராளுமன்ற உறுப்பினரும், 2024-ஆம் ஆண்டிற்கான பத்மவிபூஷன் விருது பெறுபவருமான திருமதி.வைஜெய்ந்திமாலா அம்மாவிடம் சென்னையில் ஆசி பெற்றேன்” என்று குறிப்பிட்டு பதிவு செய்யப்பட்டிருந்தது. மேலும் அதில் எஸ்.ஜி.சூர்யா நடிகை வைஜெயந்திமாலாவின் கால்களில் விழுவதையும் பார்க்க முடிகிறது.
Got blessings from Former #SouthChennai MP & 2024 Padma Vibhushan Recipient Vyjayanthimala Bali Amma in Chennai.
முன்னாள் #தென்சென்னை பாராளுமன்ற உறுப்பினரும், 2024-ஆம் ஆண்டிற்கான பத்மவிபூஷன் விருது பெறுபவருமான திருமதி.வைஜெய்ந்திமாலா அம்மாவிடம் சென்னையில் ஆசி பெற்றேன். pic.twitter.com/0WLq04wCpp
— Dr.SG Suryah (மோடியின் குடும்பம்) (@SuryahSG) March 8, 2024
இதே போன்று மதுவந்தியின் எக்ஸ் பக்கத்திலும், அவர்களுடைய ஆசிர்வாதத்தை நீங்கள் (எஸ்.ஜி.சூர்யா) பெற்றதில் மகிழ்ச்சி, என் அத்தை மிகவும் தெய்வீகமான மனிதர் என்று குறிப்பிட்டு இதே வீடியோ பதிவு செய்யப்பட்டுள்ளதையும் காண முடிகிறது.
Glad you took her blessings brother @SuryahSG
My aunt is a very divine human
Blessed to be her niece https://t.co/UROszYInsG— Madhuvanthii (@YGMadhuvanthi) March 8, 2024
இதன் மூலம் அண்ணாமலை மதுவந்தியின் காலில் விழுந்ததாக பரவும் தகவல்கள் தவறானவை என்பது தெளிவாகிறது.
மேலும் ஷோபா சந்திரசேகரும், பாஜக நிர்வாகியும் சந்திப்பதாக பரவும் புகைப்படம் குறித்து தேடியதில், எம்.எம்.ஆர்.மதன் என்பவரது எக்ஸ் பக்கத்தில் மரியாதை நிமித்தமாக தமிழக வெற்றிக் கழக தலைவர் தளபதி விஜய் அவர்களின் தாயார் ஷோபா சந்திரசேகரை சந்தித்தேன் என்று குறிப்பிட்டு பரவி வரும் புகைப்படம் பதிவு செய்யப்பட்டிருந்தது. ஆனால் இது எங்கு எடுக்கப்பட்டது என்பதற்கான ஆதாரங்கள் எதுவும் கிடைக்கவில்லை.
தமிழக வெற்றிக் கழகம் தலைவர் தளபதி விஜய் அவர்களின் தாயார் ஷோபா சந்திரசேகர் அவர்கள் தமிழ்நாடு இளைஞர்கள் சங்கம் மாநில தலைவர் எம்.எம்.ஆர்.மதன் அவர்களை மரியாதை நிமித்தமாக சந்தித்து பேசினார் pic.twitter.com/onzpGsJY69
— mmr.madhan (@dharshan1614) March 9, 2024
மேலும் படிக்க: வதந்தி பரப்பும் மதுவந்தி.. சமஸ்கிருதத்தில் ஓம் சொல்லி ராணி எலிசபெத் உடலுக்கு மரியாதை எனப் பரவும் பழைய வீடியோ
முடிவு:
நம் தேடலில், அண்ணாமலை மதுவந்தியின் காலில் விழுந்ததாக பரவும் தகவல்கள் தவறானவை என்பதையும், பாஜகவைச் சேர்ந்த எஸ்.ஜி.சூர்யா நடிகை வைஜெயந்திமாலாவின் காலில் விழும் வீடியோவைத் தான் சிலர் தவறாகப் பரப்பி வருகின்றனர் என்பதையும் அறிய முடிகிறது.