பாஜகவின் அமர் பிரசாத் காமசூத்ரா புத்தகம் படிப்பதாகப் பரவும் எடிட் செய்யப்பட்ட படம் !
பரவிய செய்தி
மதிப்பீடு
விளக்கம்
பாஜகவைச் சேர்ந்த அமர் பிரசாத் ‘காமசூத்ரா’ புத்தகத்தை வாசிக்கிறார் எனப் புகைப்படம் ஒன்றை திமுக மாணவர் அணி மாநில துணை செயலாளர் தமிழ் கா. அமுதரசன் உட்பட பலரும் சமூக வலைத்தளங்களில் பரப்பி வருகின்றனர்.
Kamasutra pic.twitter.com/FvDJDj63KG
— Galadriel (@Devar_Army) December 15, 2023
உண்மை என்ன ?
பரவக் கூடிய அமர் பிரசாத்தின் படத்தினை கூகுள் ரிவர்ஸ் இமேஜ் சர்ச் மூலம் ஆய்வு செய்ததில் அது போலியாக எடிட் செய்யப்பட்டது என்பதை அறிய முடிந்தது.
உண்மையான படத்தினை அமர் பிரசாத் அவரது எக்ஸ் (டிவிட்டர்) பக்கத்தில் 2023, டிசம்பர் 13ம் தேதியன்று பதிவிட்டுள்ளார். அப்படத்தில் அவரது கையில் ‘A Primer of Hinduism’ என்னும் புத்தகம் உள்ளது. இதே படம் அவரது இன்ஸ்டாகிராம் பக்கத்திலும் உள்ளது.
Proud Hindu from Tamil Nadu pic.twitter.com/8NIraRxt6T
— Amar Prasad Reddy (@amarprasadreddy) December 13, 2023
இந்து மதம் குறித்த இப்புத்தகத்தை டி.எஸ்.ஷர்மா எழுதியுள்ளார். இப்புத்தகத்தில், இந்து மதம் மற்றும் அதன் அடிப்படைக் கோட்பாடுகள் கேள்வி பதில் மூலம் மாணவர்களுக்கு எளிமையாக விளக்கும் வகையில் உருவாக்கப்பட்டுள்ளது என அமேசான் விற்பனை தளத்தில் குறிப்பிடப்பட்டுள்ளது.
இந்து மதம் பற்றிய இப்புத்தகத்தின் அட்டைப் படத்தில் ‘காமசூத்ரா’ புத்தகத்தின் படம் இருப்பது போன்று போலியாக எடிட் செய்து திமுகவினர் தவறாக பரப்பி வருகின்றனர்.
மேலும் படிக்க : இலந்தைப் பழ மரத்தின் வயது 2,000 ஆண்டுகள் என அமர் பிரசாத் பதிவிட்ட பொய் தகவல் !
இதற்கு முன்னர் அமர் பிரசாத் பரப்பிய பொய் செய்திகள் பற்றியும் அவரை பற்றிப் பரப்பப்பட்ட பொய் செய்திகள் பற்றியும் கட்டுரையும் வெளியிடப்பட்டுள்ளது.
மேலும் படிக்க : ஆருத்ரா பண மோசடி : பாஜக அமர்பிரசாத் தலைமறைவு உள்பட பரவும் பல்வேறு போலிச் செய்திகள் !
முடிவு :
பாஜகவைச் சேர்ந்த அமர் பிரசாத் காமசூத்ரா புத்தகத்தைப் படித்துக் கொண்டு இருப்பதாகப் பரவும் புகைப்படம் போலியாக எடிட் செய்யப்பட்டது. அவர் கையில் இருப்பது ‘A Primer of Hinduism’ என்ற புத்தகம்.