உலகிலேயே அதிகளவில் கொரோனா தடுப்பூசி செலுத்திய நாடு இந்தியாவா ?

பரவிய செய்தி

மொத்த தடுப்பூசி அளவுகளில் இந்தியா மற்றொரு மைல் கல்லை அடைகிறது .. உலகிலேயே அதிக அளவாக இந்தியா, பிரதமர் திரு.நரேந்திர மோடி தலைமையிலான அரசு 32.36 கோடி பேருக்கு தடுப்பூசி செலுத்தியுள்ளது.

Twitter Archive link 

மதிப்பீடு

விளக்கம்

கொரோனாவிற்கு எதிராக செலுத்தப்பட்ட மொத்த தடுப்பூசி அளவுகளில் இந்தியா மற்றொரு மைல் கல்லை அடைகிறது, உலகிலேயே அதிக அளவாக பிரதமர் நரேந்திர மோடி தலைமையிலான அரசு 32.36 கோடி பேருக்கு தடுப்பூசி செலுத்தியுள்ளது என தமிழக பாஜக வரைபடத்துடன் கூடிய பதிவை ட்விட்டரில் பதிவிட்டது.

Advertisement

இத்தாலி, பிரான்ஸ், ஜெர்மனி, யு.கே, அமெரிக்கா உள்ளிட்ட நாடுகளுடன் இந்தியாவில் செலுத்தப்பட்ட தடுப்பூசிகளின் எண்ணிக்கையை காண்பித்து பகிர்ந்த பதிவு பாஜக கட்சியினர் மற்றும் ஆதரவாளர்களால் அதிகம் வைரல் செய்யப்பட்டு வருகிறது.

உண்மை என்ன  ?

தமிழக பாஜக பகிர்ந்த தகவலில், இந்தியா 32.36 கோடி, அமெரிக்கா 32.33 கோடி, யு.கே 7.63 கோடி, ஜெர்மனி 7.14 கோடி, பிரான்ஸ் 5.24 கோடி, இத்தாலி 4.9 கோடி எனக் கூறப்பட்டுள்ளது. ஜூலை 1 நிலவரப்படி,  mygov.in/covid-19 இணையத்தில் இந்தியாவில் மொத்தம் 33 கோடி பேருக்கு தடுப்பூசி செலுத்தப்பட்டு உள்ளதாகக் கூறப்பட்டு உள்ளது.

Advertisement

இந்தியா 33 கோடிக்கும் அதிகமான தடுப்பூசியை செலுத்தி அமெரிக்காவிற்கு(சிறிது இடைவெளி) முன்பாக இருப்பதாக இருந்தாலும், அந்தந்த நாடுகளின் மக்கள் தொகைக்கு ஏற்ப செலுத்தப்பட்ட தடுப்பூசிகள் மற்றும் இரண்டு டோஸ்களும் செலுத்தப்பட்ட எண்ணிக்கையுடன் ஒப்பிட்ட வேண்டியது அவசியம்.

கூகுள் நியூஸ் தளத்தில், ஒவ்வொரு நாடுகளிலும் செலுத்தப்பட்ட மொத்த தடுப்பூசிகள், ஒருநாளைக்கு செலுத்தப்படும் தடுப்பூசி எண்ணிக்கை, 2 தடுப்பூசியும் செலுத்திக் கொண்ட மக்களின் எண்ணிக்கை, தடுப்பூசி செலுத்திக் கொண்டவர்களின் சதவீதம் உள்ளிட்டவை வெளியாகி இருக்கிறது.

உலகம் முழுவதும் 300 கோடிக்கும் அதிகமான கொரோனா தடுப்பூசி செலுத்தப்பட்டு இருக்கிறது. நாடுகள் அடிப்படையில் பார்க்கையில், ” சீனாவில் 122 கோடி தடுப்பூசி அளிக்கப்பட்டு இருப்பதாகவும், இரு டோஸ்களும் செலுத்தப்பட்டவர்களின் எண்ணிக்கை 22 கோடியுடன் முதலிடத்தில் இருக்கிறது. இந்தியாவில் 32.74 கோடி தடுப்பூசி செலுத்தப்பட்டு இருப்பதாகவும், 5.7 கோடி மக்களுக்கு மட்டுமே இரு டோஸ்களும் செலுத்தப்பட்டு இருப்பதாக கூறப்பட்டுள்ளது.

அமெரிக்காவில் 15 கோடி பேருக்கு இரு டோஸ்களும் செலுத்தப்பட்டு 46.8% மக்கள் தடுப்பூசி செலுத்தி இருக்கிறார்கள். ஜெர்மனி மற்றும் யு.கே உள்ளிட்ட நாடுகளின் மக்கள் தொகைக்கு ஏற்ப தடுப்பூசி செலுத்தியதை இந்தியாவுடன் ஒப்பிடுவது தவறாகும்.

edition.cnn இணையதளத்திலும், சீனா 122 கோடி தடுப்பூசி செலுத்தி முதலிடத்தில் இருப்பதாகவே இடம்பெற்று இருக்கிறது. கொரோனா தடுப்பூசி செலுத்திய நாடுகளின் பட்டியலில் அதிக அளவாக இந்தியா இருப்பதாக பதிவிட்ட தமிழக பாஜக சீனாவை பட்டியலில் சேர்க்கவில்லை. அதுமட்டுமின்றி, ஒவ்வொரு நாடுகளின் மக்கள் தொகை மற்றும் இரு டோஸ்களும் செலுத்தியவர்கள் அடிப்படையில் பார்த்தால் இந்தியா அதிக அளவில் கொரோனா தடுப்பூசி செலுத்தவில்லை என்பதே உண்மை.

முடிவு :

நம் தேடலில், இந்தியாவில் 32.36 கோடி பேருக்கு தடுப்பூசி செலுத்தியதை உலகிலேயே அதிக அளவாக உள்ளதாக தமிழக பாஜக பகிர்ந்த தகவல் தவறானது. இந்தியாவை விட அதிக அளவில் கொரோனா தடுப்பூசிகளை சீனா செலுத்தி இருக்கிறது. வரைபடத்தில் சீனாவை ஒதுக்கி விட்டு இந்தியாவை விட மக்கள் தொகை குறைவாக உள்ள நாடுகளுடன் ஒப்பிட்டு இருக்கிறார்கள் என அறிய முடிகிறது.

அரசியல் கட்சி, பெரு நிறுவனங்களின் துணை இன்றி இயங்கும் நிறுவனம் , உண்மை கண்டறிதல் செய்வது எத்தனை சிக்கலான பணி என்பது மக்களுக்கு தெரியும். எங்கள் துணையாக உங்களை அழைக்கிறோம் சந்தா கட்டி தொடர்ந்து YouTurn மக்களின் பத்திரிகையாக இயங்க உறுப்பினர் ஆகுங்கள்.

Join Membership

Ask YouTurn

Please complete the required fields.




ஆதாரம்

Leave a Reply

Your email address will not be published. Required fields are marked *

Back to top button