கார் திருடனை பாஜக கட்சியில் சேர்த்ததாக தமிழ்நாடு இளைஞர் காங்கிரஸ் பகிர்ந்த போலி நியூஸ் கார்டு !
பரவிய செய்தி
திருடர்களைப் பிடிக்கும் பாஜக சென்னையை சேர்ந்த பிரபல கார் திருடன் ஜானிபாய் அண்ணாமலை முன்னிலையில் பாஜகவில் இணைந்தான்
மதிப்பீடு
விளக்கம்
தமிழ்நாடு இளைஞர் காங்கிரஸ் தங்களது பேஸ்புக் பக்கத்தில் ’நியூஸ் தமிழ்’ பெயரில் ஒரு நியூஸ் கார்டினை பதிவிட்டுள்ளது. அதில், சென்னையைச் சேர்ந்த பிரபல கார் திருடனான ஜானிபாயை பாஜக-வின் தமிழ்நாடு மாநில தலைவர் அண்ணாமலை முன்னிலையில் அக்கட்சியில் சேர்க்கப்பட்டதாகக் குறிப்பிடப்பட்டுள்ளது.
கட்சிக்கு கார் இல்ல போல… அதான் வேலை ஆள் எடுத்து இருக்காணுங்க….
பூலோ பரத் மத்தாக் கிளி…. pic.twitter.com/AoUAqvVY6t— Dhanabalan@bala (@Dhanabalanbala9) February 11, 2024
இந்த நியூஸ் கார்டினை திமுக மற்றும் காங்கிரஸ் கட்சியினர் சமூக வலைத்தளங்களில் பரப்பி வருகின்றனர்.
கட்சிக்கு கார் இல்ல போல… அதான் வேலை ஆள் எடுத்து இருக்காணுங்க…. @annamalai_k @manickamtagore pic.twitter.com/yTWuc9co3Z
— Vignesh singaram (@GoldmineAc53211) February 11, 2024
உண்மை என்ன?
பரவக் கூடிய நியூஸ் கார்டில் ‘நியூஸ் தமிழ்’ என்கிற பெயரும் ‘10.02.2024’ தேதியும் இருப்பதைத் தொடர்ந்து அவர்களது சமூக வலைத்தள பக்கங்களை ஆய்வு செய்தோம். நியூஸ் தமிழ்நாடு அப்படி எந்த கார்டையும் வெளியிடவில்லை என்பதை அறிய முடிந்தது.
நியூஸ் தமிழ் பதிவிட்டுள்ள கார்டுக்கும் பரவக் கூடிய கார்டுக்கும் பல வித்தியாசம் இருப்பதை ஒப்பிட்டுப் பார்க்கையில் காண முடிகிறது.
மேற்கொண்டு பரவக் கூடிய கார்டில் உள்ள நபரின் படத்தைக் கூகுள் ரிவர்ஸ் இமெஜ் சர்ச் மூலம் தேடினோம். அப்படம் ஜானி பாய் (Johni_raja) என்கிற எக்ஸ் பக்கத்தில் கடந்த 9ம் தேதி பதிவிடப்பட்டுள்ளது. அப்பதிவில், ’என் மண் என் மக்கள் யாத்திரைக்குத் தயாராகி ஆச்சு’ எனக் குறிப்பிடப்பட்டுள்ளது. அப்படகைத்தினைதான் தவறாக எடிட் செய்து சமூக வலைத்தளத்தில் பரப்புகின்றனர்.
மேலும் அத்தேதிகளில் அவர் பாஜக நடத்தும் ‘என் மண், என் மக்கள்’ யாத்திரையில் கலந்து கொண்ட புகைப்படங்களையும் அவரது எக்ஸ் பக்கத்தில் பதிவிடப்பட்டுள்ளது. அவரது எக்ஸ் பக்கத்திலும் அவர் ஒரு ஆர்.எஸ்.எஸ். உறுப்பினர் என்று குறிப்பிட்டுள்ளார்.
தமிழக பாஜகவின் துடிப்பான இளம் தலைவர் மாநில செயலாளர் திரு.வினோஜ் செல்வம் அவர்களுடன் அண்ணாமலையாரின் என் மண் என் மக்கள் யாத்திரையில் சந்திப்பு @annamalai_k @VinojBJP#EnMannEnMakkal pic.twitter.com/e6OKjFNjiK
— Johny Bhai (@Johni_raja) February 10, 2024
இவற்றில் இருந்து நியூஸ் தமிழ்நாடு பெயரில் பரவக் கூடிய கார்டு போலியாக எடிட் செய்யப்பட்டது என்பதை அறிய முடிகிறது.
மேலும் படிக்க : எடப்பாடியாராக மாறிய கிங் கோலி எனப் போலி நியூஸ் கார்டை பரப்பும் பாஜகவினர்
மேலும் படிக்க : தமிழ்நாட்டில் 57,918 பெண்கள் மாயம்.. திரித்து வெளியிட்ட தந்தி டிவி.. உண்மையான எண்ணிக்கை இதோ !
இதே ஜானி பாய் ட்விட்டர் பக்கத்தில் பல்வேறு பொய் செய்திகள் பரப்பப்பட்டு இருக்கின்றன. அவை குறித்தும் கட்டுரைகள் வெளியிட்டு இருக்கிறோம்.
முடிவு :
நம் தேடலில், கார் திருடனை பாஜக தனது கட்சியில் சேர்த்துக் கொண்டதாக நியூஸ் தமிழ்நாடு பெயரில் பரவக் கூடிய கார்டு போலியாக எடிட் செய்யப்பட்டது என்பதை அறிய முடிகிறது.
