திமுக ஆட்சியில் தமிழ்நாட்டின் வளர்ச்சி 11வது இடத்திற்கு தள்ளப்பட்டதா ?

பரவிய செய்தி

வளர்ச்சி பெறும் மாநிலங்களின் பட்டியலில் தமிழ்நாடு 3-வது இடத்திலிருந்து 11-வது இடத்திற்கு தள்ளப்பட்டது.

Twitter link | Archive link 

மதிப்பீடு

விளக்கம்

திமுகவின் 6 மாத ஆட்சியில், வளர்ச்சி பெறும் மாநிலங்களின் பட்டியலில் தமிழ்நாடு 3-வது இடத்தில் இருந்து 11-வது இடத்திற்கு தள்ளப்பட்டது என வெள்ளை அறிக்கை கூறுவதாக நியூஸ் 7 தமிழ் நியூஸ் கார்டு ஒன்று சமூக வலைதளங்களில் பரப்பப்பட்டு வருகிறது.

Advertisement

உண்மை என்ன ? 

கடந்த 6 மாத திமுகவின் ஆட்சியில் தமிழ்நாட்டின் வளர்ச்சி பின்னுக்கு தள்ளப்பட்டு உள்ளதாக வைரல் செய்யப்படும் நியூஸ் கார்டில் 2021 ஆகஸ்ட் 09-ம் தேதி எனக் குறிப்பிடப்பட்டு இருக்கிறது. அப்போது திமுக ஆட்சிக்கு வந்து 3 மாதங்கள் ஆகி இருந்தன.

Facebook link  

Advertisement

திமுக தலைமையிலான தமிழ்நாடு அரசு பதவியேற்ற பிறகு கடந்த 10 ஆண்டுகளில் அதிமுக ஆட்சியின் நிதிநிலைமை தொடர்பாக வெளிப்படையான விளக்கத்தை தரும் வெள்ளை அறிக்கையை 2021 ஆகஸ்ட் 9-ம் தேதி நிதியமைச்சர் பழனிவேல் தியாகராஜன் வெளியிட்டார்.

வெள்ளை அறிக்கையில், ” சென்னை பொருளியல் கல்வி நிறுவனத்தால் மேற்கொள்ளப்பட்ட மாநிலங்களுக்கிடையேயான ஒப்பீட்டு ஆய்வின்படி, 2004-05 முதல் 2011-12 வரையுள்ள காலத்திற்கான சராசரி வளர்ச்சியில், தமிழ்நாடு பெரிய மாநிலங்களில் மூன்றாவது இடத்தைப் பிடித்தது. ஆனால், 2012-13 முதல் 2018-19 வரையுள்ள காலத்தில் தமிழ்நாடு 11-வது இடத்தை அடைந்ததுடன், அதன் சராசரி வளர்ச்சியும், முந்தைய 7 ஆண்டுகளின் வளர்ச்சியான 10.3 சதவீதத்தைக் காட்டிலும் 3.2 சதவீதப் புள்ளிகள் குறைவாக, அதாவது 7.1 சதவீதத்திற்கு வீழ்ச்சியடைந்தது. தமிழ்நாட்டில் கடந்த பத்தாண்டுகளில் ஏற்பட்டுள்ள பொருளாதார மந்தநிலை மிகவும் கவலையளிக்கக்கூடிய ஒன்றாக உள்ளது ” எனத் தெரிவிக்கப்பட்டு இருக்கிறது.

முடிவு : 

நம் தேடலில், திமுகவின் 6 மாத ஆட்சியில் வளர்ச்சி பெறும் மாநிலங்களின் பட்டியலில் தமிழ்நாடு 3-வது இடத்திலிருந்து 11-வது இடத்திற்கு தள்ளப்பட்டது எனப் பரவும் தகவல் தவறானது.

2021 ஆகஸ்ட் மாதம் கடந்த அதிமுக ஆட்சி குறித்து வெளியிடப்பட்ட வெள்ளை அறிக்கை குறித்த நியூஸ் கார்டை தற்போது தவறாக பரப்புகின்றனர்.

2012-13 முதல் 2018-19 வரையிலான அதிமுக ஆட்சிக்கு காலத்தில் தமிழ்நாட்டின் வளர்ச்சி பின்னோக்கி சென்றதாக திமுக அரசு வெளியிட்ட புள்ளி விவரத்தை, திமுகவின் 6 மாத ஆட்சியில் நிகழ்ந்ததாக வதந்தி பரப்பி வருகிறார்கள் என அறிய முடிகிறது.

அரசியல் கட்சி, பெரு நிறுவனங்களின் துணை இன்றி இயங்கும் நிறுவனம் , உண்மை கண்டறிதல் செய்வது எத்தனை சிக்கலான பணி என்பது மக்களுக்கு தெரியும். எங்கள் துணையாக உங்களை அழைக்கிறோம் சந்தா கட்டி தொடர்ந்து YouTurn மக்களின் பத்திரிகையாக இயங்க உறுப்பினர் ஆகுங்கள்.

Join Membership

Ask YouTurn

Please complete the required fields.




ஆதாரம்

Leave a Reply

Your email address will not be published. Required fields are marked *

Back to top button