திமுக வெற்றி பெற்றால் தைப்பூச விடுமுறை ரத்து செய்வதாகப் பரவும் போலி நியூஸ் கார்டு !

பரவிய செய்தி

திமுக வெற்றி பெற்றால் தைபூசத் திருநாள் விடுமுறை ரத்து செய்யப்படும் – திமுக தலைவர் மு.க.ஸ்டாலின்

Facebook link | Archive link 

மதிப்பீடு

விளக்கம்

தைப்பூச திருநாளிற்கு அரசு விடுமுறை அளிக்கப்பட வேண்டும் என்கிற கோரிக்கை நீண்ட காலமாக கோரிக்கையாகவே இருந்து வந்தது. இந்நிலையில், முதல்வர் பழனிச்சாமி தைப்பூச நாளிற்கு அரசு விடுமுறை அளிப்பதாக அறிவித்தார். இனி வரும் ஆண்டுகளிலும் அரசு விடுமுறை தொடரும் எனும் அறிவிப்பை வெளியிட்டார்.

Advertisement

தைப்பூச நாளிற்கு அரசு விடுமுறை அளிக்கப்பட்டது தங்களுக்கு கிடைத்த வெற்றி என அரசியல் கட்சிகள் சொந்தம் கொண்டாடத் தொடங்கின.

இந்நிலையில், 2021 தேர்தலில் வெற்றிப் பெற்று திமுக ஆட்சிக்கு வந்தால் தைப்பூச திருநாள் விடுமுறை ரத்து செய்யப்படும் என மு.க.ஸ்டாலின் கூறியதாக எடிட் செய்யப்பட்ட நியூஸ் கார்டு ஒன்று வைரலாகி வருகிறது.

Advertisement

மு.க.ஸ்டாலின் தைப்பூச திருநாள் விடுமுறை ரத்து செய்யப்படும் என எங்கும் கூறவில்லை. ஜனவரி 5-ம் தேதி புதிய தலைமுறை செய்தியிலும் அவ்வாறான நியூஸ் கார்டு வெளியாகவில்லை.

மேலும் படிக்க : பாஜக ஆட்சிக்கு வந்தால் வேளாண் சட்டங்கள் ரத்து – எடிட் நியூஸ் கார்டு!

தமிழக சட்டமன்ற தேர்தலுக்காக அரசியல் கட்சியினர் தேர்தல் பிரச்சாரத்தைத் துவங்கி உள்ள நிலையில் அரசியல் கட்சியினர் கூறாத கருத்தை எடிட் செய்த போலியான நியூஸ் கார்டுகள், எடிட் வீடியோக்கள் அதிக அளவில் பரப்பப்பட்டு வருகிறது.

மேலும் படிக்க : 2500+1500=5000 என்பது ஸ்டாலின் கணக்கு எனப் பரப்பப்படும் எடிட் வீடியோ !

அரசியல் கட்சி, பெரு நிறுவனங்களின் துணை இன்றி இயங்கும் நிறுவனம் , உண்மை கண்டறிதல் செய்வது எத்தனை சிக்கலான பணி என்பது மக்களுக்கு தெரியும். எங்கள் துணையாக உங்களை அழைக்கிறோம் சந்தா கட்டி தொடர்ந்து YouTurn மக்களின் பத்திரிகையாக இயங்க உறுப்பினர் ஆகுங்கள்.

Join Membership

Ask YouTurn

Please complete the required fields.




Leave a Reply

Your email address will not be published. Required fields are marked *

Back to top button