பொள்ளாச்சி விவகாரம் பற்றி பரவும் வதந்திகள்
மதிப்பீடு
பொள்ளாச்சி விவகாரம் தமிழகம் முழுக்க பெரும் அதிர்வலையை ஏற்படுத்தியுள்ளது . பலரும் தங்கள் கண்டனத்தையும் , வலியையும் வெளிப்படுத்திவருகிறார்கள் . இதனிடையே பல்வேறு வதந்தியும் பரவி வருகிறது .
பைக் பாபு :
குற்றம்சாட்டப்பட்ட திருநாவுக்கரசு முகநூல் பக்கம் மற்றும் இதில் சமந்தப்பட்ட அனைவரின் முகநூல் பக்கத்தை நம்ம இன்டெர்நெட் james Bond-கள் . சும்மா பிரித்து மேய்ந்து வருகிறார்கள் . ஆனால் பொறுப்புள்ள 007 ஆக இவர்கள் நடந்ததாக தெரியவில்லை .
நக்கீரன் இதழில் இதில் சமந்தப்பட்ட ஒருவர் ‘பைக் பாபு ‘ என்று குறிப்பிட நம்ம ஆட்கள் திருநாவுக்கரசு முகநூல் நண்பர் பைக் பாபு என்பவரை பிடித்து இவன்தான் டா அவன் என்று சீறி வருகிறார்கள் . அவர் குறப்பிட்ட கட்சியை சேர்ந்தவராக இருக்க இன்னும் உற்சாகம் ஆகி புதுப் புது கதை எழுதி வருகிறார்கள் .
உண்மையான பாபு கைது செய்யப்பட்டு சிறையில் இருக்கிறான் . இவர் இன்றும் முகநூலில் அடித்து துவைக்கும் பாண்ட்களுக்கு பதில் எழுதிவருகிறார் பாவம் ..
காவல் அதிகாரி பாண்டியராஜன் :
இவர் தான் டாஸ்மாக் போராட்டத்தின் போது அப்பாவி பொது மக்கள் மீது தாக்குல் நடத்தினார் அதிலும் குறிப்பாக பெண்களை அடித்தார் . காதில் ஒரு பெண்ணை அரைந்தவரும் இவரே . அப்போது Adsp ஆக இருந்தவர் . இப்போது Sp ஆக இந்த சர்சைக்குரிய வழக்கை விசாரித்து வருகிறார் . இவரை நம்பலாமா ? என்று பரவுகிறது .
உண்மை தான் . பொது மக்கள் மீது தாக்குதல் நடத்திய அந்த அதிகாரி தான் அந்த மாவட்டத்தில் SP ஆக உள்ளார் ..
நாகராஜ் :
இதில் மேலும் சிக்கிய அப்பாவி அரச குமார் நாகராஜ் . இவரின் முகநூல் கணக்கை படம் பிடித்து ஆளுக்கு ஆள் இந்த விவாகரத்தில் சமந்தப்பட்ட ஆட்களுடன் சேர்ந்து அனுப்பி திட்டி தீர்க்க . பாவம் இவர் இப்போது அப்படி எழுதும் பக்கத்தில் எல்லாம் அதை நீக்க வேண்டிவருகிறார் . இதில் சிலர் இவரை கிண்டல் செய்தது தான் பெருங்கொடுமை .அவர் உருக்கமாக நம்மிடம் பேசியது : https://www.youtube.com/watch?v=Jm5EXi4MJ34&t=74s
ஒரு நபருக்கு பல முகநூல் நண்பர்கள் இருப்பார்கள் , அதில் இருப்பவர் எல்லாம் நெருக்கிய நண்பர் என்றும் . அதனால் ஒருவர் செய்யும் குற்றத்திற்கு அவர் நண்பர்களும் பொறுப்பு என்றும் நினைப்பது சரியில்லை . மேலும் தவறாக யாரையும் சித்தரித்து எழுதுவதும் ஆபத்து . அவர் குடும்ப நிலை பற்றி யோசிக்க வேண்டாமா ?
