#GoBackModi ட்ரெண்ட் ஆக பாகிஸ்தான் காரணமா ?

பரவிய செய்தி

பிரதமர் மோடி தமிழ்நாடு வரும் போது எல்லாம் ட்ரென்டிங்கில் இருந்த #GoBackModi பாகிஸ்தானியர்கள் மூலமே அதிகம் ட்வீட் செய்யப்படுகிறது.

மதிப்பீடு

சுருக்கம்

இந்தியாவில் ட்ரென்ட் செய்யப்பட்ட விஷயங்கள் மட்டுமே இந்தியா ட்ரென்ட்ஸ் என ட்வீட்டரில் வரும். பாகிஸ்தானியர்கள் ட்வீட் செய்து #GoBackModi ட்ரென்ட் செய்யப்பட்டது என்பது முற்றிலும் தவறான தகவல்.

விளக்கம்

பிரதமர் நரேந்திர மோடி அவர்களின் வருகைக்கு எதிராக  ட்வீட்டரில் #GoBackModi என பதிவிட்டு எதிர்ப்பு தெரிவிப்பது தமிழகத்தில் அதிகம் என்பது அனைவருக்கும் தெரிந்ததே. ட்வீட்டர் ட்ரெண்டில் நம்பர் ஒன் ஆக #GoBackModi  இடம் பிடிக்கும்.

ஆனால்,  #GoBackModi  தமிழ்நாட்டில் இருந்து ட்ரெண்ட் செய்யப்படவில்லை. பாகிஸ்தான் நாட்டில் இருந்தே ட்ரெண்ட் செய்யப்படுகிறது என்ற செய்தி ஃபேஸ்புக், வாட்ஸ் ஆஃப் உள்ளிட்ட சமூக வலைதளங்களில் சமீபத்தில் பகிரப்படுகிறது. பத்திரிகையாளர் ரங்கராஜ் பாண்டே கூட இதே செய்தியை பதிவிட்டு உள்ளார்.

Advertisement

அதில், #GoBackModi பாகிஸ்தானில் இருந்து 58%, இந்தியாவில் இருந்து 22% , UK-வில் இருந்து 6% , சென்னையில் இருந்து வெறும் 4% மட்டுமே ட்வீட் செய்யப்பட்டுள்ளதாக பரவி வருகிறது.

ஆனால், #GoBackModi ட்ரெண்ட்-க்கு எதிராக கூறும் இந்த புள்ளி விவரம் முற்றிலும் தவறானது. இந்தியாவில் இருந்து அதிகம் செய்யப்பட்ட ட்வீட்களே ” India Trends ” என ட்வீட்டரில் காண்பிக்கும். பாகிஸ்தான் நாட்டில் அதிகம் ட்வீட் செய்யப்பட்ட விசயமே ட்ரெண்ட்ங்கில் காண்பிக்கும்.அதனால் ” India Trends “-இல் முதலிடம் பெரும் ட்ரெண்ட்ஸ்-க்கும் பாகிஸ்தான் நாட்டில் போடும் ட்வீட்டுக்கும் சம்பந்தமில்லை.

trends24 இணையத்தளத்திலும் twitter-இலும்  இன்று காலை ( 6 march2019 ) எடுக்கப்பட்ட தரவுகளை வைத்து பார்க்கலாம்.

Advertisement

உதாரணமாக, இன்று தமிழ்நாட்டிற்கு வரும் பிரதமர் மோடிக்கு எதிராக #GoBackSadistkModi என  ட்வீட்டரில் ட்ரெண்ட் செய்யப்பட்டு இன்றைய ட்ரெண்டிங்கில் முதல் இடத்தில் உள்ளது. அதே நேரத்தில், பாகிஸ்தான் நாட்டின் ட்வீட்டர் ட்ரெண்டிங்கில் பார்க்கையில் ட்ரெண்டிங் பட்டியலில் மோடி பற்றிய ஒரு வார்த்தைக் கூட இடம் பெறவில்லை.

#GoBacksadistModi இந்திய அளவிலான ட்ரெண்டிங்கில் பார்க்கையில் அதிகம் தமிழில் செய்த ட்வீட்களே இருக்கிறது.

இதைத் தவிர, #GoBacksadistModi  உலக அளவில் ட்ரெண்டிங் பட்டியலில் இடம்பிடித்து வருகிறது. இதற்கு பாகிஸ்தான் நாட்டில் இருந்தும் கூட பதிவு செய்து இருக்கலாம் அல்லவா என்ற சிலர் கமெண்ட்டில் பதிவு விடுவார்கள்.

அவர்களுக்கு, உலக அளவில் #GoBacksadistModi  ட்ரென்ட் ஆகிய இருந்தாலும் பாகிஸ்தான் நாட்டின் ட்வீட்டர் ட்ரெண்டிங் பட்டியலில் அது இடம் பெறவில்லை என்பதை தெளிவாக பார்க்கவும்.

ஆக, #GoBacksadistModi , #GoBackModi  போன்ற ஹஷ்டாக்கள் பாகிஸ்தானில் இருந்து ட்ரெண்ட் செய்யப்படுகிறது எனக் கூறும் தகவல்கள் வதந்தியே என நிரூபிக்கப்படுகிறது. இதற்கு இன்றைய ட்வீட்டர் ட்ரெண்ட் ஆதாரமாகவே உள்ளது.

” மேலும், #GoBackModi-க்கு எதிராக #TnWelcomeModi ஹஸ்டாக் ட்ரெண்ட் செய்ய முயற்சித்த போது அது மகாராஷ்டிராவில் இருந்து பதிவிடப்பட்டன என்ற உண்மை பொது வெளியில் தெரிய வந்தது. இது தொடர்பாக செய்திகளிலும் கூட வெளியாகி உள்ளன” .

முக்கியமாக, பிரதமர் மோடிக்கு எதிராக ட்வீட்டர் ட்ரெண்ட் செய்வதால் தமிழ்நாட்டு மக்களுக்கும் பாகிஸ்தானுக்கும் ரகசிய தொடர்பு இருப்பது போன்றும், இங்குள்ளவர்களுக்கு ஆன்டி இந்தியன் பட்டங்களும் கொடுக்கப்படுகிறது என்பது குறிப்பிடத்தக்கது.

ஆங்கிலத்தில் படிக்க : Is Pakistan responsible for #GOBackModi trend?

அரசியல் கட்சி, பெரு நிறுவனங்களின் துணை இன்றி இயங்கும் நிறுவனம் , உண்மை கண்டறிதல் செய்வது எத்தனை சிக்கலான பணி என்பது மக்களுக்கு தெரியும். எங்கள் துணையாக உங்களை அழைக்கிறோம் சந்தா கட்டி தொடர்ந்து YouTurn மக்களின் பத்திரிகையாக இயங்க உறுப்பினர் ஆகுங்கள்.

Join Membership

Ask YouTurn

Please complete the required fields.




ஆதாரம் / Proof Links

Tags

Leave a Reply

Your email address will not be published. Required fields are marked *

Back to top button
Close
Close