இம்ரான் கான் பற்றி புதின் பேசுவதாக போலி வீடியோவை பதிவிட்ட துக்ளக் குருமூர்த்தி !

பரவிய செய்தி

மதிப்பீடு

விளக்கம்

ரஷ்யா உக்ரைன் மீது போர் நடத்தி வரும் நிலையில் துக்ளக் குருமூர்த்தி தன் ட்விட்டர் பக்கத்தில், ” புதின் எப்படி இம்ரான் கானை புறம்தள்ளினார் என்பதை அவசியம் பார்க்க வேண்டிய காணொளி. தீவிரமானது, நகைச்சுவையாக இருக்கிறது ” என ரஷ்யாவின் அதிபர் புதின் பேசும் 29 நொடிகள் கொண்ட வைரல் வீடியோவை பதிவிட்டு இருக்கிறார்.

Advertisement

அந்த வீடியோவில் புதின் பேசுவதற்கு கீழே வரும் சப்-டைட்டிலில், ” UNSC-ல் எனது உரையின் போது கில்கித்-பல்திஸ்தான் இந்தியாவின் ஒரு பகுதியாக இருக்க வேண்டும் என நான் தெளிவுப்படுத்தினேன். கில்கித்தை ஒரு தற்காலிக மாகாணமாக உருவாக்கும் பாகிஸ்தானின் முயற்சியை ரஷ்யா ஆதரிக்கவில்லை. இந்த விவகாரத்தில் என்னை சமாதானப்படுத்த பிரதமர் இம்ரான் கான் மாஸ்கோவிற்கு வந்தார் ” என புதின் தொடர்ந்து பேசுவது இடம்பெற்று இருக்கிறது.

உண்மை என்ன ?

ரஷ்யாவின் அதிபர் புதின் ஐரோப்பிய நாடுகளை பொய்களின் பேரரசு என அழைத்தது உலக அளவில் செய்திகள் பலவற்றில் வெளியாகியது. வைரலாகும் புதின் பேசும் அதே வீடியோவை பிப்ரவரி 28-ம் தேதி ரஷ்யாவைச் சேர்ந்த ரஷ்யா டுடே செய்தியில் வெளியாகி இருக்கிறது. ஆனால், புதின் கில்கித்-பல்திஸ்தான் பற்றி ஏதும் பேசவில்லை என சப்-டைட்டில் மூலம் அறிய முடிகிறது

Advertisement

துக்ளக் குருமூர்த்தி பதிவிட்ட வீடியோ வைரலாகியதால், ” இதை பலர் தீவிரமாக எடுத்துக் கொண்டனர். இது வேடிக்கையானது ” எனக் கூறி தன்னுடைய பழைய ட்விட்டை பகிர்ந்து இருக்கிறார்.

Twitter link | Archive link

முடிவு : 

நம் தேடலில், ரஷ்யாவின் அதிபர் புதின் பாகிஸ்தான் பிரதமர் இம்ரான் கான் மற்றும் கில்கித் -பல்திஸ்தான் பிரச்சனை குறித்து பேசியதாக துக்ளக் குருமூர்த்தி பதிவிட்ட வீடியோ எடிட் செய்யப்பட்டது என அறிய முடிகிறது.

அரசியல் கட்சி, பெரு நிறுவனங்களின் துணை இன்றி இயங்கும் நிறுவனம் , உண்மை கண்டறிதல் செய்வது எத்தனை சிக்கலான பணி என்பது மக்களுக்கு தெரியும். எங்கள் துணையாக உங்களை அழைக்கிறோம் சந்தா கட்டி தொடர்ந்து YouTurn மக்களின் பத்திரிகையாக இயங்க உறுப்பினர் ஆகுங்கள்.

Join Membership

Ask YouTurn

Please complete the required fields.




ஆதாரம்

Leave a Reply

Your email address will not be published. Required fields are marked *

Back to top button