This article is from Apr 10, 2020

அக்டோபர் 15-ம் தேதி வரை ஹோட்டல்கள், உணவகங்கள் மூடப்படுவதாக வதந்தி !

பரவிய செய்தி

மத்திய சுற்றுலாத்துறை உத்தரவின்படி, 2020-ல் உலகம் முழுவதும் பரவி வரும் கொரோனா வைரஸ் நோய்த்தொற்றால் அக்டோபர் 15-ம் தேதி வரை இந்தியா முழுவதும் உள்ள ஹோட்டல்கள், உணவகங்கள், ரிசார்ட்கள் மூடப்படுகிறது.

மதிப்பீடு

விளக்கம்

இந்தியா முழுவதும் ஏப்ரல் 14-ம் தேதி வரை நீடிக்கும் ஊரடங்கில் குறிப்பிட்ட உணவகங்கள் மட்டுமே குறிப்பிட்ட நேரங்களில் இயங்கி வருகின்றன. இந்நிலையில், நோய்த்தொற்றின் பரவலின் காரணமாக 2019 அக்டோபர் 15-ம் தேதி வரை ஹோட்டல்கள், ரிசார்ட்கள், உணவகங்கள் மூடப்பட இந்திய சுற்றுலாத்துறையின் பெயரில் போலியான அறிக்கை ஒன்று வைரலாகி வருகிறது.

இந்தியச் சுற்றுலாத்துறையின் தரப்பில் இருந்து ஹோட்டல்கள், உணவகங்கள் மூடப்படுவதாக எந்தவொரு உத்தரவும் வெளியாகவில்லை. மேலும், ஏப்ரல் 14-ம் தேதிக்கு பிறகு ஊரடங்கை நீடிப்பது குறித்து இன்னும் அரசு தரப்பில் அதிகாரப்பூர்வ தகவல்கள் வெளியாகவில்லை.

அடுத்ததாக, வைரலான அறிக்கையை PIB (Press Information bureau) தன் ட்விட்டர் பக்கத்தில் போலியானது என வெளியிட்டு உள்ளது.

Twitter link | archive link 

இந்திய சுற்றுலாத்துறையின் அதிகாரப்பூர்வ ட்விட்டர் பக்கத்திலும் pib வெளியிட்ட ட்வீட் பதிவு பகிரப்பட்டுள்ளதை காணலாம்.

Twitter link

கோவிட்-19 நோய்த்தொற்று பரவி வரும் சூழ்நிலையில் அரசின் அறிவிப்பு என பல வதந்திகள், தவறான தகவல்கள் சமூக வலைதளங்களை ஆக்கிரமித்து உள்ளன. ஆகையால், பரவும் தகவலின் நம்பகத்தன்மையை அறிந்து பகிரவும்.

Please complete the required fields.




Back to top button
loader