This article is from Feb 25, 2022

ஜெயலலிதா உடன் நிர்மலா சீதாராமன் இருப்பதாக பரப்பப்படும் தவறான புகைப்படம் !

பரவிய செய்தி

நமது தற்போதைய நிதியமைச்சர் நிர்மலா சீதாராமன் உடன் ஜெயலலிதா இருக்கும் அரிதான புகைப்படம் .

Twitter link

மதிப்பீடு

விளக்கம்

மறைந்த முன்னாள் தமிழக முதல்வர் ஜெயலலிதாவும், தற்போதைய நிதியமைச்சர் நிர்மலா சீதாராமனும் ஒன்றாக இருக்கும் அரிதான புகைப்படம் என ஜெயலலிதாவின் இளமைக்காலத்தில் எடுக்கப்பட்ட இப்புகைப்படம் தொடர்ந்து பல ஆண்டுகளாக சமூக வலைத்தளங்களில் மீண்டும் பரப்பப்பட்டு வருகிறது.

பிப்ரவரி 24-ம் தேதி ஜெயலலிதாவின் பிறந்தநாள் என்பதால் கட்சி சார்பில் மரியாதை செலுத்தப்பட்டது. இதற்கிடையில், சமூக வலைதளங்களில் ஜெயலலிதா மற்றும் நிர்மலா சீதாராமன் ஒன்றாக இருப்பதாக இந்த புகைப்படமும் பரப்பப்பட்டு வருகிறது.

உண்மை என்ன ?

வைரல் செய்யப்படும் புகைப்படத்தில் ஜெயலலிதா உடன் இருப்பது நிர்மலா சீதாராமன் அல்ல, ஜெயலலிதாவின் தோழி எழுத்தாளர் சிவசங்கரி. இந்த புகைப்படம் 2014-ல் vintageindianclothing எனும் இணையதளத்தில் பதிவாகி இருக்கிறது. அதில், ஜெயலலிதா சிவசங்கரி உடன் இருப்பதாகவே குறிப்பிடப்பட்டுள்ளது.

2018-ல் dtnext இணையதளத்தில் வெளியான செய்தியில், ஜெயலலிதாவும் சிவசங்கரியும் இருக்கும் வேறு சில புகைப்படங்களையும் வெளியிட்டு இருந்தனர்.

முடிவு :

நம் தேடலில், தற்போதைய நிதியமைச்சர் நிர்மலா சீதாராமன் உடன் ஜெயலலிதா இருப்பதாக பரப்பப்படும் புகைப்படத்தில் இருப்பது நிர்மலா சீதாராமன் அல்ல, ஜெயலலிதாவின் தோழி எழுத்தாளர் சிவசங்கரி என அறிய முடிகிறது.

Please complete the required fields.




ஆதாரம்

Back to top button
loader