“கேல் ரத்னா விருது” என தவறான புகைப்படத்தை பகிர்ந்த தமிழக பாஜக, செய்தி நிறுவனங்கள் !

பரவிய செய்தி

ராஜீவ்காந்தி கேல் ரத்னா விருது !

Twitter link | Archive link 

மதிப்பீடு

விளக்கம்

விளையாட்டுத்துறைக்கு வழங்கப்பட்டு வந்த ராஜீவ்காந்தி கேல் ரத்னா விருதின் பெயரை ஹாக்கி ஜாம்பவான் ” மேஜர் தயான் சந்த் கேல் ரத்னா ” என பெயர் மாற்றம் செய்வதாக பாஜக அரசு அறிவித்தது.

Advertisement

இதுதொடர்பாக, தமிழ்நாடு மாநில பாஜக மற்றும் சில செய்தி நிறுவனங்கள் உள்பட வெளியிட்ட செய்திகள் மற்றும் பதிவுகளில் ராஜீவ்காந்தி கேல் ரத்னா விருது என தவறான புகைப்படத்தை பயன்படுத்தி இருக்கிறார்கள்.

Twitter link | Archive link 

Archive link 

Advertisement

உண்மை என்ன ?

உண்மையில், செய்திகள் மற்றும் பதிவுகளில் காண்பிக்கப்பட்டுள்ள பதக்கம் ராஜீவ்காந்தி கேல் ரத்னா விருது அல்ல, பரம்வீர் சக்ரா விருதின் பதக்கம். இந்திய விமானப்படை உடைய இணையதளத்தில் ” பரம்வீர் சக்கரா ” என இப்புகைப்படம் இடம்பெற்று உள்ளதை பார்க்கலாம்.

Facebook link 

5 ஆண்டுகளுக்கு முன்பாக இந்திய வெளியுறவுத்துறையின் அதிகாரப்பூர்வ முகநூல் பக்கத்தில் பரம்வீர் சக்கரா பதக்கத்தின் புகைப்படம் வெளியாகி இருக்கிறது.

getty image இணையதளத்தில், ” விளையாட்டு வீரர்களுக்கு வழங்கப்படும் ராஜீவ்காந்தி கேல் ரத்னா விருது பதக்கத்தின் புகைப்படங்கள் பல இடம்பெற்று இருக்கின்றன. ராஜீவ்காந்தி கேல் ரத்னா விருதில் அசோக சக்கரம் பெரிதாய் இடம்பெற்று இருக்கும்.

முடிவு : 

நம் தேடலில், தமிழ்நாடு பாஜக மற்றும் செய்தி நிறுவனங்கள் வெளியிட்ட பதிவுகளில் ராஜீவ்காந்தி கேல் ரத்னா விருது என பகிரப்பட்ட புகைப்படம் பரம்வீர் சக்ரா பதக்கத்தின் புகைப்படம் என அறிய முடிகிறது.

Do you think Youturn’s fact-checking is important? Donate and make it your own people's newspaper!
YouTurn உண்மையை சொல்லும் பணி முக்கியம் என நினைக்கின்றீர்களா? நன்கொடை அளித்து நீங்களே மக்கள் பத்திரிகையாக இயங்க வழி செய்யுங்கள்.

Ask YouTurn

Please complete the required fields.




ஆதாரம்

Back to top button