தமிழகத்தில் ஒரே வில்லில் மூன்று அம்பு விடுவது போன்ற சிற்பம்.

பரவிய செய்தி

மதிப்பீடு

விளக்கம்

கிருஷ்ணகிரி மாவட்டத்தின் தேன்கனிக்கோட்டை தாலுக்காவில் உள்ள ஜுகூர் என்ற கிராமத்தில் அறம் வரலாறு ஆய்வு மையக் குழுவினர் ஆய்வு செய்து வந்தனர் . அவர்கள் ஆச்சரியத்தை எற்படுத்தக் கூடிய இரு நடுகற்களை கண்டுப்பிடித்துள்ளனர் . அந்த அபூர்வமான கற்களில் ஒரே சமயத்தில் மூன்று அம்புகளை விடும் போர் வீரனின் உருவம் பொறிக்கப்பட்டுள்ளது .

இந்த ஆய்வை குறித்து அந்த குழுவின் ஒருங்கிணைப்பாளர் கிருஷ்ணன் கூறுகையில் , ஜுகூர் என்ற கிராமத்தில் இதுவரை மூன்று நடுகற்கள் தொகுப்பு கண்டுபிடிக்கப்பட்டுள்ளன . இந்த கற்கள் போரில் இறந்தவரின் நினைவாக நிறுவப்பட்டுள்ளன . முதலில் உள்ள கல்லில் இருக்கும் வீரன் வலது கையில் மூன்று அம்புகளை பிடித்துள்ளான் , இடது கையில் வில்லினை ஏந்தி உள்ளான் . உடலில் ஆபரணங்கள் அணிந்தும் , இடையில் ஆடையும் , இடப்புறம் சசாய்ந்த கொண்டையுடன் இருக்கும்படி சிற்பம் வடிவமைக்கப்பட்டுள்ளது .

இந்த வீரனை எதிர்கொண்ட மற்றொரு வீரனின் சிற்பம் வலதுபுறம் சிறிதாக செதுக்கப்பட்டுள்ளது . அவனது கையில் இருக்கும் வாளையும் , கேடயத்தையும் பார்த்தால் கங்கர்களின் போர் வீரனாக இருக்கலாம் .  மற்றொரு நடுக்கல்லில் வலது கையில் மேல்நோக்கிய வாள் , இடது கையில் தாமரை மொட்டு போன்ற பொருள் , இடையில் கூர்வாள் , மார்பில்  ஆபரணங்கள் , மேல்பகுதியில் சந்திரன் சூரியன் போன்று செதுக்கப்பட்டுள்ளது . படத்தில் வருவது போன்று ஒரே வில்லில் மூன்று அம்புகளை விடும் அளவிற்கு இவர்கள் திறமையானவர்களாக இருந்து உள்ளனர் என்று கூறினார் .

கற்பனையான படங்களை மட்டுமே பார்த்து வியந்து வந்த நமக்கு இதுபோன்ற பண்டைய மனிதர்களின் வீரத்தை பார்க்கும் பொழுது ஆச்சரியாமாக தான் இருக்கும் . இச்சிற்பங்கள் போன்று எத்தனையோ சிற்பங்கள் இன்றளவும் மறைந்து உள்ளன . அவைகளை கண்டுபிடித்தால் பல ஆச்சரிமூட்டும் வரலாறுகள் கிடைக்க வாய்ப்புள்ளது .

ஆதாரம்