மிக்ஜாம் புயலில் நிலநடுக்கம் எனப் பரவும் மியான்மரில் மோச்சா புயலில் எடுத்த வீடியோ!

பரவிய செய்தி

மதிப்பீடு

விளக்கம்

மிக்ஜாம் புயல், நேற்று முன்தினம் தமிழ்நாட்டைக் கடந்து ஆந்திராவை நோக்கி நகர்ந்தது. இரு மாநிலங்களிலும் கனமழை மற்றும் இடியுடன் கூடிய மழை பெய்தது. சென்னையில் 15க்கும் மேற்பட்டோர் உயிரிழந்துள்ளனர்.
இந்நிலையில், வெள்ளம் மற்றும் மிக்ஜாம் புயலுடன் இணைத்து பல வீடியோக்கள் இணையத்தில் பரவி வருகின்றன. 20 வினாடிகள் கொண்ட வீடியோ ஒன்றில், மழைநீரால் சில பொருட்கள் அடித்துச் செல்லப்பட்ட வெள்ளம் நிறைந்த தெருவைக் காட்டுகிறது. தொடர்ந்து பெய்து வரும் மழையுடன், வீடுகளின் மொட்டை மாடியில் உள்ள பொருள் அதிரும் வகையில் பலத்த காற்று வீசுவதையும் காணலாம். மிக்ஜாம் புயலின் நிலைமை என்று பலரும் இந்த வீடியோவை பகிர்ந்து வருகின்றனர்.

உண்மை என்ன?

பரவலாகப் பகிரப்பட்ட வீடியோவின் ஒவ்வொரு கீஃப்ரேமையும் ஆய்வு செய்ததில், இது மே 2023 தொடக்கத்தில் இருந்தே பகிரப்பட்டுள்ளதை கண்டறிந்தோம். மேலும், இது சமீபத்தில் தமிழ்நாட்டில் சென்னையில் ஏற்பட்ட மிக்ஜாம் புயலின் போது எடுக்கப்பட்ட வீடியோ அல்ல, மோச்சா புயலின் போது மியான்மரில் எடுக்கப்பட்டது.

‘Guardian News’ யூடியூப் பக்கத்தில் 14 மே 2023 அன்று “Cyclone Mocha: கொடிய புயல் மியான்மரில் அழிவை ஏற்படுத்துகிறது” என்ற தலைப்பில் இந்த வீடியோவின் காட்சிகள் பதிவேற்றப்பட்டுள்ளதைக் காணலாம்.

வைரல் வீடியோவில் உள்ள மழைநீர் சிவப்பு நிறப் பொருளை அடித்துச்செல்லும் காட்சியை இந்த யூடியூப் வீடியோவில் 39 வினாடிகளில் காணலாம். மியன்மாரில், கட்டிடங்களின் கூரைகளை கிழித்து பலரைக் கொன்ற சக்திவாய்ந்த மோச்சா புயலின்போது ஆயிரக்கணக்கான மக்கள் அங்கே உள்ள மடங்கள் மற்றும் பள்ளிகளில் தஞ்சம் புகுந்தனர்.

இதே காட்சிகள் CBS Mornings என்ற எக்ஸ் பக்கத்தில் கடந்த மே மாதம் மியான்மரின் மோச்சா புயல் என பதிவாகியுள்ளது.

At least five people are dead, after Tropical Cyclone Mocha made landfall in Myanmar and Bangladesh on Sunday.

The death toll is expected to rise following a storm that packed 175 mph winds. pic.twitter.com/wg6oQbQiET

— CBS Mornings (@CBSMornings) May 15, 2023

பகிரப்பட்ட வீடியோ, மே மாத தொடக்கத்தில் மியான்மரைத் தாக்கிய மோச்சா புயலின்போது எடுக்கப்பட்டதே தவிர, மிக்ஜாம் புயலின்போது அல்ல என்பதை இது உறுதிப்படுத்துகிறது.

முடிவு

மிக்ஜாம் புயலின் நிலநடுக்க வீடியோ எனப் பரவும் தகவல் உண்மையல்ல. இது மே 2023ல் மோச்சா புயல் மியான்மாரை தாக்கிய போது எடுக்கப்பட்ட வீடியோ என்பதை அறிய முடிகிறது.