மோடி சந்திராயனில் தங்கத்தை வைத்து அனுப்பியதாக நையாண்டி பதிவு | யார் பரப்பியது ?

பரவிய செய்தி

மதிப்பீடு

விளக்கம்

பிரதமர் மோடி சந்திராயன் விண்கலத்தில் நாட்டின் தங்கத்தை வைத்து நிலவிற்கு அனுப்பி உள்ளதாக கூறப்படும் பதிவை காணுகையில் பலருக்கும் சிரிப்பு வந்து இருக்கும். இதை கூடவா நம்புறீங்க என கிண்டலாக கமெண்ட் செய்தும் உள்ளனர்.

தமிழக பிஜேபி ஆதரவு முகநூல் பக்கங்களில் இப்பதிவு பகிரத் தொடங்கியதால் பிஜேபி ஆதரவாளர் அல்லது பிஜேபி கட்சியை விமர்சனம் செய்பவர்கள் இப்படியான பதிவை பதிவிட்டு இருக்கக்கூடும் என நினைத்தோம்.

balakrishnan என்பவர் முகநூலில் ” மோடி ராணுவம் ” என்னும் முகநூல் குழுவிற்கு பகிர்ந்து இருக்கிறார். ஆனால், இந்த பதிவு முகநூல் முழுவதும் வைரல் ஆகியதால் இதன் தொடக்கம் எங்கே என்று ஆராய்ந்தோம்.

நம்முடைய தேடலில், ” திமுக கட்சியை சேர்ந்த பிரசன்னா இதே பதிவை பகிர்ந்து கீழே நன்றி என ஆதிரா ஆனந்த் என்பவரின் பெயரை குறிப்பிட்டு இருந்தார் “. அவரின் பதிவை காப்பி செய்து பிரசன்னா தனது முகநூல் பக்கத்தில் பகிர்ந்து இருக்கிறார்.

இதையடுத்து, ஆதிரா ஆனந்த் என்பவரின் முகநூல் பக்கத்திற்கு சென்று பார்க்கையில் செப்டம்பர் 8-ம் தேதி 3.30 மணியளவில் மோடி குறித்த நையாண்டி பதிவை பதிவிட்டு இருக்கிறார். ஆக, திமுக கட்சியின் சித்தாந்தம் கொண்ட ஒருவரின் மூலமே மோடி குறித்த நையாண்டி தொடங்கி இருக்கிறது என்பதை தெரிந்து கொள்ள முடிகிறது.

இதையறியாமல், பிஜேபி ஆதரவாளர்கள் சிலரும் கூட இதனை உண்மை என நினைத்து முகநூல் குழுக்களில் பகிர்ந்து வருவது வேடிக்கை.

ஆதாரம்