முத்தலாக் கொடுத்தவரின் நிலை எனத் தவறாகப் பரப்பப்படும் சித்தரிக்கப்பட்ட வீடியோ !
பரவிய செய்தி
மதிப்பீடு
விளக்கம்
முத்தலாக் கொடுத்த முஸ்தபா நிலைமை இதுதான் எனக் கூறி 17 நொடிகள் கொண்ட வீடியோ ஒன்று சமூக வலைதளங்களில் வைரலாகப் பரப்பப்பட்டு வருகிறது. இவ்வீடியோவில், சாலையோரத்தில் இரு சக்கர வாகனத்தை தள்ளி செல்லும் இளைஞரை பின்னால் இருந்து பெண் ஒருவர் தாக்க தொடங்குகிறார், பின்னர் சாக்கடை நீரில் விழுந்து இருவரும் அடித்துக் கொள்ளும் காட்சிகள் இடம்பெற்றுள்ளன.
நிக்காஹ் பண்ணி அனுபவித்துவிட்டு instant தலாக் சொல்லி தப்பிக்க நினைச்சவனை அடித்து உதைக்கும் முடக்கப்பட்ட பெண் போல pic.twitter.com/AHLg5tu7Vo
— Dr. 2G Spectrum (War Room: Navy ⚓️) (@EURONGREYJOY007) February 20, 2024
உண்மை என்ன ?
வைரல் செய்யப்படும் வீடியோவில் அடுத்த அடுத்த காட்சிகள் எடிட் செய்யப்பட்டு இருப்பதை பார்க்க முடிந்தது. ஆகையால், வீடியோவின் கீப்ரேம்களை எடுத்து ரிவர்ஸ் இமேஜ் சேர்ச் செய்கையில், Ashishkhushnuma எனும் இன்ஸ்டாகிராம் பக்கத்தில் இதே வீடியோ பதிவாகி இருக்கிறது.
இந்த இன்ஸ்டாகிராம் பக்கத்தில் இவ்விருவரும் எடுத்துக் கொண்ட வீடியோக்கள் பல உள்ளன. சமீபத்தில் பதிவான வீடியோக்கள் பலவும் கணவனை மனைவி கொடூரமாக அடிப்பது போன்ற காட்சிகளாகவே உள்ளன. மேலும், இப்பெண் அதே உடையில் இருக்கும் வேறு சில வீடியோக்களையும் பதிவிட்டு இருக்கிறார்.
கணவன் மனைவி அடித்துக் கொள்வது போல் சித்தரிக்கப்பட்டு எடுக்கப்பட்ட வீடியோக்களை தொடர்ச்சியாக பதிவிட்டு வருகிறார்கள். இதை மதரீதியாக உண்மையாக நடந்த சம்பவம் போன்று தவறாக பரப்பி வருகின்றனர்.
மேலும் படிக்க : கேரளாவில் கிறிஸ்துமஸ் முன்னிட்டு இந்துக்களிடம் பணம் பறிப்பு எனப் பரவும் போலி வீடியோ !
மேலும் படிக்க : முஸ்லீம் ஆணும், பெண்ணும் அயோத்தி ராமர் கோயிலுக்கு யாத்திரை செல்வதாகப் பரவும் போலி வீடியோ !
இதற்கு முன்பாகவும், இதேபோல் பல்வேறு போலியாக சித்தரிக்கப்பட்ட வீடியோக்கள் உண்மையாக நடந்த சம்பவம் போன்று தவறாகப் பரப்பப்பட்டு உள்ளன.
முடிவு :
நம் தேடலில், முத்தலாக் குடுத்த முஸ்தபா நிலமை எனப் பரப்பப்படும் இருவர் அடித்துக் கொள்ளும் வீடியோ கணவன் மனைவி சேர்ந்து எடுத்த சித்தரிக்கப்பட்ட போலியான வீடியோ என்பதை அறிய முடிகிறது.
