என் வெற்றியை கொண்டாட மோடிக்கு தகுதி இல்லை என நீரஜ் சோப்ரா கூறியதாக வதந்தி செய்தி !

பரவிய செய்தி

என் வெற்றியை கொண்டாட மோடிக்கு தகுதி இல்லை ! மோடியை கிழித்த நீரஜ் சோப்ரா !

Youtube link | Archive link

மதிப்பீடு

விளக்கம்

ஜப்பானில் நடைபெற்ற 2020 டோக்கியோ ஒலிம்பிக்கில் இந்தியாவைச் சேர்ந்த நீரஜ் சோப்ரா ஈட்டி எறிதல் பிரிவில் தங்கம் வென்றார். இந்நிலையில், என் வெற்றியைக் கொண்டாட மோடிக்கு தகுதி இல்லை என நீரஜ் கூறியதாக புதிய தமிழகம் நியூஸ் எனும் யூடியூப் சேனலில் வீடியோ ஒன்று வெளியிடப்பட்டுள்ளது.

Advertisement

ஆகஸ்ட் 9-ம் தேதி வெளியான 1.30 நிமிடங்கள் கொண்ட வீடியோ சுமார் 2.7 லட்சம் பார்வைகளை பெற்று உள்ளது. புதிய தமிழகம் நியூஸ் எனும் யூடியூப் சேனலில் வீடியோ குறித்து தேடுகையில், அந்த வீடியோவில் ” என் வெற்றியை கொண்டாட மோடிக்கு தகுதி இல்லை ” என நீரஜ் சோப்ரா கூறியதாக எந்த தகவலும் இல்லை. நீரஜ் சோப்ரா உடைய பயிற்சியாளர் உவ் ஹான் கூறியதாக வெளியான பதிவை வைத்து மட்டுமே வீடியோவை உருவாக்கி இருக்கிறார்கள்.

பார்வையாளர்களை கவரவும், அரசியல் ரீதியாகவும் இப்படியொரு தவறான தலைப்பை தலைப்பை வைத்துள்ளனர். புதிய தமிழகம் நியூஸ் எனும் இந்த யூடியூப் சேனலில் திமுக ஆதரவான வீடியோக்களே பெரும்பாலும் உள்ளன.

2021 ஜூன் மாதம் இந்தியன் எக்ஸ்பிரஸ் செய்திக்கு பயிற்சியாளர் உவ் ஹான் அளித்த பேட்டியில், ” 58 வயதான ஜெர்மானியர், 100 மீட்டருக்கு மேல் ஈட்டி எறிந்த ஒரே நபர் மற்றும் இந்திய நட்சத்திரம் நீரஜ் சோப்ராவின் எழுச்சிக்கு பின்னால் உள்ள பயிற்சியாளர் ஒலிம்பிக்கிற்கான பயிற்சி திட்டமிடப்படாதது மற்றும் முன்னணி விளையாட்டு வீரர்களுக்கான உணவு முறை பொருந்தாதது எனக் கூறியுள்ளார். ஆசிய மற்றும் காமென்வெல்த் தங்கப் பதக்க வெற்றியாளரை ஆதரிக்கும் விளையாட்டு ஊக்குவிப்பாளரான JSW ஸ்போர்ட்ஸ் தான் சோப்ரா கடந்த வாரம் ஐரோப்பாவிற்கு பயிற்சி மற்றும் போட்டிகளுக்காக பயணம் செய்ய ஒரே காரணம் ” என நீண்ட பேட்டி ஒன்றை அளித்து இருந்தார். இவருடைய பழைய பேட்டிகள் சமூக வலைதளங்களில் வைரலாவும் செய்தன.

நம் தேடலில், என் வெற்றியை கொண்டாட மோடிக்கு தகுதி இல்லை என நீரஜ் சோப்ரா கூறியதாக புதிய தமிழகம் நியூஸ் எனும் யூடியூப் சேனல் வெளியிட்டது தவறானது. நீரஜ் சோப்ரா அப்படி எந்தவொரு கருத்தையும் கூறவில்லை, அவர் கூறியதாக வீடியோவில் கூட இடம்பெறவில்லை. தவறான செய்தியை பரப்புகின்றனர் என அறிய முடிகிறது.

Advertisement

அரசியல் கட்சி, பெரு நிறுவனங்களின் துணை இன்றி இயங்கும் நிறுவனம் , உண்மை கண்டறிதல் செய்வது எத்தனை சிக்கலான பணி என்பது மக்களுக்கு தெரியும். எங்கள் துணையாக உங்களை அழைக்கிறோம் சந்தா கட்டி தொடர்ந்து YouTurn மக்களின் பத்திரிகையாக இயங்க உறுப்பினர் ஆகுங்கள்.

Join Membership

Ask YouTurn

Please complete the required fields.




ஆதாரம்

Leave a Reply

Your email address will not be published. Required fields are marked *

Back to top button