மாமிசம் உண்பவர்களின் ஓட்டு தேவையில்லை என ஹெச்.ராஜா கூறினாரா ?
பரவிய செய்தி
விழுப்புரம் பொதுக்கூட்டத்தில் ஹெச்.ராஜா பேச்சு ! மாமிசம் உண்பவர்கள் ஓட்டு பாஜகவிற்கு தேவையில்லை.
மதிப்பீடு
விளக்கம்
பாரதிய ஜனதா கட்சியின் மூத்த தலைவர் ஹெச்.ராஜா விழுப்புரத்தில் நடைபெற்ற பொதுக்கூட்டத்தில், ” மாமிசம் உண்பவர்கள் ஓட்டு பாஜகவிற்கு தேவையில்லை ” எனக் கூறியதாக நியூஸ் 7 தமிழ் ஊடகத்தின் நியூஸ் கார்டு ஒன்று வைரல் செய்யப்பட்டு வருகிறது.
+
உண்மை என்ன ?
தீபாவளிக்கு அசைவ உணவு உண்பவர்கள் ஹிந்துக்களே அல்ல, தமிழகத்தில் பாஜக ஆட்சிக்கு வந்த உடன் தீபாவளிக்கு இறைச்சிக் கடைகள் மூடப்படும் என ஹெச்.ராஜா கூறியதாக தீபாவளியன்று வதந்தியை பரப்பினர். அது குறித்து நாம் கட்டுரை வெளியிட்டு இருந்தோம்.
மேலும் படிக்க : தீபாவளிக்கு மாமிசம் சாப்பிடுபவர்கள் இந்துக்கள் அல்ல என ஹெச்.ராஜா கூறினாரா ?
தற்போது, மீண்டும் ஹெச்.ராஜா ” மாமிசம் உண்பவர்களின் ஓட்டு பாஜகவிற்கு தேவையில்லை ” எனக் கூறியதாக மீண்டும் வதந்தியை பரப்பி இருக்கிறார்கள். நவம்பர் 17-ம் தேதி வெளியான நியூஸ் 7 தமிழ் நியூஸ் கார்டை தேடிய பொழுது, ” விழுப்புரம் பொதுக்கூட்டத்தில் ஹெச்.ராஜா பேச்சு ! கருணாநிதியின் மனைவி தயாளு அம்மையாரும், ஸ்டாலின் மனைவி துர்காவும் தைரியசாலிகள் ; ஆன்மிகத்தை கடைப்பிடிக்கும் அவர்கள்தான் பெண் சிங்கங்கள் !” எனக் கூறியதாக நியூஸ் கார்டு வெளியாகி இருக்கிறது.
‘
கருணாநிதியின் மனைவி மற்றும் ஸ்டாலின் மனைவி குறித்து ஹெச்.ராஜா பேசியதாக வெளியான நியூஸ் கார்டில் மாமிசம் உண்பவர்கள் ஓட்டு பாஜகவிற்கு தேவையில்லை என எடிட் செய்து வதந்தியை பரப்பி வருகிறார்கள்.