பிரதமர் மோடியை காணவில்லை என ஹிந்துஸ்தான் டைம்ஸில் விளம்பரம் வெளியானதா ?

பரவிய செய்தி

பிரதமரை காணவில்லை!! ஹிந்துஸ்தான் டைம்ஸ் செய்தியில் விளம்பரம் !

Facebook link | Archive link

மதிப்பீடு

விளக்கம்

ஹிந்துஸ்தான் டைம்ஸ் செய்தித்தாளின் முகப்பு பக்கத்தில், காணவில்லை. இந்தியாவின் பிரதமர், கங்கையின் மகன் என்றும் அழைக்கப்படுவார். பிரதான் சேவக் என்றும் அழைக்கப்படுகிறார். விளக்கம் – மார்பு 56 அங்குலம், நீண்ட வெள்ளை தாடி. பெரிய தொழிலதிபர்களின் நிறுவனத்தில் காணப்படுவதாக அறியப்படுகிறது. மயிலை நேசிப்பவர் ” என பிரதமரின் புகைப்படத்துடன் இடம்பெற்று இருக்கிறது.

Advertisement

உண்மை என்ன ?

இதுகுறித்து தேடுகையில், மே 7ம் தேதி வெளியான ஹிந்துஸ்தான் டைம்ஸ் செய்தியின் பக்கங்கள் epaper.hindustantimes.com தளத்தில் வெளியாகி இருக்கிறது. உண்மையான செய்தித்தாள் பக்கத்தில் ” பிரதமர் மோடியை காணவில்லை ” என வெளியான இடத்தில் ” COURT A PUBLIC SPACE, COVERAGE PART OF FREEDOM OF SPEECH, SAYS SC ” என்ற தலைப்பில் வெளியான செய்தியே இடம்பெற்று உள்ளது. 

ஹிந்துஸ்தான் டைம்ஸ் செய்தி பிரதமரை காணவில்லை என எந்த விளம்பரமும் செய்யவில்லை. உண்மையான ஹிந்துஸ்தான் டைம்ஸ் இணைய செய்தித்தாளை எடுத்து எடிட் செய்து தவறாக பரப்பி இருக்கிறார்கள்.

மே 13-ம் தேதி Outlook india செய்தி நிறுவனம், ” இந்திய அரசை காணவில்லை ” எனும் கவர் படத்தை வெளியிட்டது. அந்த புகைப்படம் இந்திய அளவில் வைரலாகி இருந்தது குறிப்பிடத்தக்கது.

Archive link 

அதைத் தொடர்ந்து, ஹிந்துஸ்தான் டைம்ஸ் செய்தியில் பிரதமர் மோடியை காணவில்லை என வெளியாகியதாக எடிட் செய்த படத்தை பரப்பி இருக்கிறார்கள்.

முடிவு : 

நம் தேடலில், பிரதமர் மோடியை காணவில்லை என ஹிந்துஸ்தான் டைம்ஸ் செய்தித்தாளில் விளம்பரம் வெளியானதாக பரவும் செய்தித்தாள் படம் எடிட் செய்யப்பட்டது என அறிய முடிகிறது.

அரசியல் கட்சி, பெரு நிறுவனங்களின் துணை இன்றி இயங்கும் நிறுவனம் , உண்மை கண்டறிதல் செய்வது எத்தனை சிக்கலான பணி என்பது மக்களுக்கு தெரியும். எங்கள் துணையாக உங்களை அழைக்கிறோம் சந்தா கட்டி தொடர்ந்து YouTurn மக்களின் பத்திரிகையாக இயங்க உறுப்பினர் ஆகுங்கள்.

Join Membership

Ask YouTurn

Please complete the required fields.




ஆதாரம்

Leave a Reply

Your email address will not be published. Required fields are marked *

Back to top button