மோடியை பிரதமராக்க வேண்டும் என பாகிஸ்தான் நாடாளுமன்றத்தில் கோசமிட்டதாக வதந்தி !

பரவிய செய்தி

மோடிஜியை பாகிஸ்தான் பிரதமராக அறிவிக்க வேண்டும். பாகிஸ்தான் நாடாளுமன்றத்தில்
எம்.பி.க்கள் பரிந்துரைத்ததால், பாகிஸ்தான் நாடாளுமன்றத்தில் மோடி மோடி’ என்ற கோசங்கள் பலமாக எழுப்பப்பட்டது.

Facebook link 

மதிப்பீடு

விளக்கம்

ரஷ்யா-உக்ரைன் போர் சூழ்நிலையில், இந்தியப் பிரதமர் நரேந்திர மோடியை பாகிஸ்தான் பிரதமராக்க வேண்டும் என பாகிஸ்தானில் நாடாளுமன்றத்தில் கொண்டு வரப்பட்ட பரிந்துரையின் போது எம்பிக்கள் “மோடி மோடி ” என கோசமிட்டதாக 2 நிமிட வீடியோ ஒன்று இந்திய அளவில் பாஜக மற்றும் அதன் ஆதரவாளர்களால் பரப்பப்பட்டு வருகிறது.

Advertisement

Twitter link | Archive link

மார்ச் 4-ம் தேதி பஞ்சாப் மாநில பாஜகவின் அதிகாரப்பூர்வ ட்விட்டர் பக்கத்திலும் இவ்வீடியோ வெளியாகி வைரலாகி கொண்டிருக்கிறது.

உண்மை என்ன ?  

2020 அக்டோபர் மாதம் தமிழ்நாடு பாஜக இளைஞரணியின் முகநூல் பக்கத்தில், ” பாகிஸ்தான் நாடாளுமன்றத்தில் மோடி…மோடி…மோடி… ” என கோசமிட்டதாக இதே வீடியோவை பதிவிட்டு இருக்கிறனர். ஆனால், இதுவும் உண்மை அல்ல.

Advertisement

மேலும் படிக்க : பாகிஸ்தான் நாடாளுமன்றத்தில் “மோடி மோடி” எனும் முழக்கம் எழுப்பப்பட்டதா ?

2020-ல் பாகிஸ்தான் நாடாளுமன்றத்தில் மோடி மோடி என கோசமிட்டதாக பரவி வரும் வீடியோ, பாகிஸ்தானின் வெளியுறவு அமைச்சரின் தீர்மானத்திற்கு எதிராக வாக்கு எடுக்க வேண்டும் என ” Voting Voting ” என கோசமிட்டு உள்ளனர். பாகிஸ்தான் நாடாளுமன்றத்தில் மோடி மோடி என முழங்கியதாக கூறுவது முற்றிலும் தவறான தகவல் என நாம் விரிவான கட்டுரையை வெளியிட்டு இருக்கிறோம்.

2020 அக்டோபர் 26-ம் தேதி பாகிஸ்தான் நாடாளுமன்ற கூட்டத் தொடரை ஒளிபரப்பு செய்த Public news சேனல் வீடியோவில் 13.30வது நிமிடத்தில் இருந்து வைரல் வீடியோவில் இடம்பெற்ற காட்சிகள் இடம்பெற்று உள்ளன. அதில், 13.30-வது நிமிடத்தில் ” Voting Voting ” என முழங்குவதை கேட்கலாம்.

முடிவு :

நம் தேடலில், உக்ரைன் போர் சூழலில் மோடியை பாகிஸ்தான் பிரதமராக அறிவிக்க வேண்டும் என பாகிஸ்தான் நாடாளுமன்றத்தில் எம்.பி.க்கள் பரிந்துரைத்ததால், ” மோடி மோடி’ என்ற கோசங்கள் எழுப்பப்பட்டதாக பரவும் தகவல் மற்றும் வீடியோ பொய்யானது என அறிய முடிகிறது.

அரசியல் கட்சி, பெரு நிறுவனங்களின் துணை இன்றி இயங்கும் நிறுவனம் , உண்மை கண்டறிதல் செய்வது எத்தனை சிக்கலான பணி என்பது மக்களுக்கு தெரியும். எங்கள் துணையாக உங்களை அழைக்கிறோம் சந்தா கட்டி தொடர்ந்து YouTurn மக்களின் பத்திரிகையாக இயங்க உறுப்பினர் ஆகுங்கள்.

Join Membership

Ask YouTurn

Please complete the required fields.




Leave a Reply

Your email address will not be published. Required fields are marked *

Back to top button