தேர்தல் உறுதிமொழிப் பத்திரத்தில் சீமானின் பெயர் சைமன் எனக் குறிப்பிடப்பட்டதா ?

பரவிய செய்தி

மதிப்பீடு

விளக்கம்

நாம் தமிழர் கட்சியின் ஒருங்கிணைப்பாளர் சீமான் அவர்களின் பெயர் குறித்த சர்ச்சை சமூக வலைத்தளங்களில் எப்பொழுதும் எழுப்பப்படும். அரசியலில் அவரால் எதிர்க்கப்படுபவர்கள் சீமானின் பெயரை சைமன் எனக் குறிப்பிட்டு விமர்சனம் செய்வதை சமூக வலைத்தளங்களில் அதிகம் காணலாம்.

இந்நிலையில், 2016 தமிழக சட்டமன்ற தேர்தலில் சீமான் அளித்த உறுதிமொழிப் பத்திரத்தில் சீமானின் பெயர் சைமன் எனவும், அவர் தந்தை பெயர் சபஸ்டியன் என்றும், சைமன் என கையொப்பமும் இடம்பெற்று இருக்கிறது. அவை தற்போது பகிரப்பட்டு வருகிறது மற்றும் Youturn-யிடம் பரவி வரும் பத்திரம் பற்றி கேள்விகளும் எழுப்பி இருந்தனர்.

கடந்த முறை தமிழக சட்டமன்ற தேர்தலில் கடலூர் தொகுதியில் போட்டியிட்ட நாம் தமிழர் கட்சியின் சீமான் தேர்தல் நடத்தும் அதிகாரிகள் முன்னிலையில் வேட்பு மனுவின் வேட்பாளர் அளிக்க வேண்டிய உறுதிமொழிப் பத்திரத்தில் , ” செந்தமிழன் என்பவரின் மகனும் 50 வயதுடைய வெங்கடேசன் நகர் 2-வைத்து குறுக்குத் தெரு, விருகம்பாக்கம், சென்னை 92 என்ற முகவரியில் வசிக்கின்ற, இந்த தேர்தலில் போட்டியிடுகின்ற ஒரு வேட்பாளருமாகிய சீமான் என்கிற நான், இதனால் சத்தியபிரமாணம் செய்து, கீழ்கண்டவாறு உறுதியளிக்கிறேன் ” எனக் கூறி சீமான் என்றே கையெழுத்தியிட்டு உள்ளார்.

சீமான் அளித்த அசல் உறுதிமொழிப் பத்திரத்தில் அவர் தந்தையின் பெயரை சபஸ்டியன் என்றும், சீமானின் பெயரை சைமன் என்றும், சைமன் என போலியான கையெழுத்தை வைத்து வதந்தியை பரப்பி வருகின்றனர். அசல் பத்திரத்தின் அடிப்படையில் பரவி வருபவை வதந்திகள் என நிரூபணமாகி உள்ளது. சமூக வலைத்தளங்களில் ஃபோட்டோஷாப் செய்து வதந்தியை பரப்புவது அதிகரித்துக் கொண்டே செல்கிறது.