Read in English

ShopClues நிறுவனத்தின் பரிசு கூப்பன் என வீடு தேடி வரும் மோசடி !

பரவிய செய்தி

Shopclues நிறுவனத்தின் ஆன்லைன் ஷாப்பிங்கில் வெற்றி பெற்றதால் கிடைக்கும் அதிர்ஷ்ட கூப்பன் என வீட்டிற்கு வரும் சான்றிதழ் மற்றும் கூப்பன் கோட்கள் !

மதிப்பீடு

விளக்கம்

ஆன்லைன் வணிக தளமான Shopclues நிறுவனத்தின் சார்பில் ரூ.1 லட்சம் முதல் 10 லட்சம் வரையிலான பரிசு கூப்பன் உங்களுக்கு கிடைத்துள்ளதாக வரும் போன் அழைப்புகள், மெசேஜ், வீடு தேடி லெட்டர் மூலம் கூப்பன்கள் அனுப்பப்படுகிறது

Advertisement

தமிழ்நாட்டில் கூரீயரில் என் நண்பருக்கு பரிசு கூப்பனை அனுப்பப்பட்டதாக யூடர்ன் தளத்திற்கு கூப்பன்களின் இவ்விரு புகைப்படங்கள் அனுப்பி இருந்தனர். இதுபோன்ற அழைப்புகள், மெஜேஜ்கள் ஆகியவை மோசடி கும்பல்களால் அதிக அளவில் நடத்தப்பட்டு வருகிறது.

Shopclues நிறுவனம் பரிசு கூப்பன் வழங்கும் எந்தவொரு கான்டெஸ்டையும் நடத்தவில்லை. ட்விட்டரில் Shopclues நிறுவனத்தின் பெயரில் வரும் லக்கி கூப்பன்கள் பற்றி அந்நிறுவனத்திடம் கேள்வி எழுப்பப்பட்டதற்கு அந்நிறுவனம் மறுப்பு தெரிவித்ததோடு இதுபோன்ற மோசடிக்குள் சிக்க வேண்டாம் என கடந்த ஆண்டில் இருந்தே பதில் அளித்து வருகிறது.

Archive link

Advertisement

Archive link

மேலும் படிக்க : Snapdeal நிறுவனம் பெயரில் கார் பரிசளிப்பதாக மோசடி| மெசேஜ்களை நம்பி பணத்தை இழக்காதீர்!

இதற்கு முன்பாக, Snapdeal ஆன்லைன் வணிக தளத்தில் உங்களுக்கு 12 லட்சம் மதிப்புள்ள மஹிந்திரா கார் பரிசாக விழுந்துள்ளதாக வரும் மோசடி அழைப்புகள், மெஜேஜ்கள் குறித்து நாம் முன்பே கட்டுரை வெளியிட்டு இருந்தோம்.

இதுபோன்ற மோசடி கும்பல்கள், உங்களின் தனிப்பட்ட வங்கி விவரங்கள் அல்லது முன்பணம் செலுத்த வேண்டும் என உங்களை பணத்தை இழக்கும் நிலைக்கு தள்ளுகிறார்கள். பரிசு கூப்பன் என வரும் மோசடிக்குள் சிக்கிக் கொள்ளாமல் எச்சரிக்கையாக இருங்கள் !

அரசியல் கட்சி, பெரு நிறுவனங்களின் துணை இன்றி இயங்கும் நிறுவனம் , உண்மை கண்டறிதல் செய்வது எத்தனை சிக்கலான பணி என்பது மக்களுக்கு தெரியும். எங்கள் துணையாக உங்களை அழைக்கிறோம் சந்தா கட்டி தொடர்ந்து YouTurn மக்களின் பத்திரிகையாக இயங்க உறுப்பினர் ஆகுங்கள்.

Join Membership

Ask YouTurn

Please complete the required fields.




Leave a Reply

Your email address will not be published. Required fields are marked *

Back to top button