தேர்தலையொட்டி திமுக மது பாட்டிலைப் பரிசாக வழங்குகிறது எனப் பரவும் ஆந்திரப் பிரதேச வீடியோ!
பரவிய செய்தி
ஓட்டுங்கடா ஸ்டிக்கர். இது கொலுசல்ல குவாட்டர். இல்லம் தேடி வரும் திட்டம். தேர்தலுக்கு தயாராகும் திமுக
மதிப்பீடு
விளக்கம்
நாடாளுமன்றத் தேர்தல் வரவுள்ள நிலையில் திமுக வீடு வீடாகப் பரிசு பெட்டி வழங்குகிறது. அதில் மது பாட்டில், சிகரெட், பணம் போன்ற பொருட்கள் இருப்பதாக வீடியோ ஒன்று அதிமுக-வினரால் சமூக வலைத்தளங்களில் பரப்பப்படுகிறது.
ஓட்டுங்கடா ஸ்டிக்கர்
இது கொலுசல்ல குவாட்டர்
இல்லம் தேடி வரும் திட்டம்
தேர்தலுக்கு தயாராகும் திமுக #SayNoToDrugs_SayNoToDMK #ADMK_CBE_SOUTH pic.twitter.com/cgo8CJEy4C— RA V Sasikumar – Say No To Drugs & DMK (@sasiitcbe) March 11, 2024
ஓட்டுங்கடா ஸ்டிக்கர்
இது கொலுசல்ல குவாட்டர்
இல்லம் தேடி வரும் திட்டம்
தேர்தலுக்கு தயாராகும் திமுக #SayNoToDrugs_SayNoToDMK #ADMK_CBE_SOUTH pic.twitter.com/6esKWtjRT5— Thalapathy Velusamy – Say No To Drugs & Dmk (@ThalapathyVelu9) March 11, 2024
உண்மை என்ன?
பரவக் கூடிய வீடியோவில் பரிசு பெட்டியில் தெலுங்கு தேசம் கட்சியின் தலைவர் சந்திரபாபுவின் புகைப்படம் இருப்பதைக் காண முடிகிறது. மேலும் அந்த வீடியோவின் கீஃப்ரேம்களை கொண்டும் கூகுள் ரிவர்ஸ் இமேஜ் சர்ச் மூலம் தேடினோம்.
கடந்த பிப்ரவரி மாதம் இதே வீடியோ சமூக வலைத்தளத்தில் தெலுங்கு தேசம் கட்சியை குறிப்பிட்டுப் பரவியுள்ளது. இதேபோல் YSR காங்கிரஸ் கட்சியின் தலைவர் ஜெகன் மோகனின் படம் அச்சிடப்பட்ட இனிப்பு பெட்டியில் பணம் வைத்து வாக்காளர்களுக்கு வழங்கப்படுவதாகவும் ஒரு வீடியோ பரவியது.
அதற்கும் முன்னதாக இரண்டு கட்சிகளின் பெயரும் சின்னமும் அச்சிடப்பட்ட ஆணுறை பாக்கெட்டுகள் வாக்காளர்களுக்கு வழங்கப்படுவதாக தனித்தனியாகப் புகைப்படங்களும் வீடியோக்களும் பரவியது குறிப்பிடத்தக்கது. (TDP | YSRCP)
வரும் நாடாளுமன்ற பொதுத் தேர்தலுடன் ஆந்திரப் பிரதேசத்திற்கான சட்டமன்ற தேர்தலும் நடைபெற உள்ளது. இதனையொட்டி அம்மாநிலத்தில் உள்ள கட்சிகள் தீவிர பிரச்சாரத்தில் ஈடுபட்டுள்ளது.
அந்த வகையில் மேற்கண்ட இரண்டு விஷயங்களும் அக்கட்சிகளால் வழங்கப்பட்டதா? அல்லது எதிர்க் கட்சிகளின் பிரச்சார யுக்தியா என்பது தெரியவில்லை. ஆனால், அது தேர்தலுக்காக திமுக வழங்கிய பரிசுப் பொருள் கிடையாது என்பதை உறுதி செய்ய முடிகிறது.
முடிவு :
தேர்தல் வருவதையொட்டி வாக்காளர்களுக்கு திமுக மது பாட்டிலைப் பரிசாக வழங்குகிறது எனப் பரவும் வீடியோ குறித்த தகவல் உண்மை அல்ல. அந்த பரிசு பெட்டியின் அட்டைப்படத்தில் தெலுங்கு தேசம் கட்சியின் தலைவர் சந்திரபாபுவின் புகைப்படம் உள்ளது.
