ரஷ்ய ராணுவ வீரரை உக்ரைன் சிறுமி விரட்டுவதாக தவறாக பரவும் பழைய வீடியோ !

பரவிய செய்தி

உக்ரையின் சிறுமி ரஷ்ய இராணுவ வீரரை விரட்டும் காட்சி. இதுதான் உண்மையான நாட்டுப்பற்று.

Facebook link 

மதிப்பீடு

விளக்கம்

உக்ரைன் நாட்டில் ரஷ்யாவின் ராணுவப் படையினர் நுழைந்து தாக்குதல் நடத்தி வருகையில், அந்நாட்டைச் சேர்ந்த சிறுமி ரஷ்ய ராணுவ வீரருக்கு எதிராக குரல் எழுப்பி விரட்டுவதாக சமூக வலைதளங்களில் இவ்வீடியோ பரவி வருகிறது.

Advertisement

உண்மை என்ன ?

வைரல் செய்யப்படும் வீடியோ குறித்து தேடுகையில், பாலஸ்தீன பெண் குழந்தை அஹெத் தமிமி என் சகோதரன் எங்கே எனக் கேட்டு இஸ்ரேலிய ராணுவ வீரரை பார்த்து கேள்வி எழுப்புவதாக இவ்வீடியோ 2012-ல் யூடியூப் சேனல் ஒன்றில் பதிவாகி இருக்கிறது.

மேற்கொண்டு தேடுகையில், 2018-ல் பிபிசியில் அஹெத் தமிமி தொடர்பாக பிரத்யேக கட்டுரையே வெளியாகி இருக்கிறது தன்னுடைய 11 வயதில் அஹெத் தமிமி இஸ்ரேலிய ராணுவ வீரரை தாக்க கை ஓங்கியதாக இதே காட்சி புகைப்படமாக இடம்பெற்று இருக்கிறது.

Advertisement

2018-ல் இஸ்ரேலிய ராணுவ வீரரை அறைந்ததைப் படம் பிடித்த பாலஸ்தீன இளம்பெண் 17 வயதான அஹெத் தமிமி மீது பாதுகாப்புப் படையினரைத் தாக்கியது மற்றும் வன்முறையத் தூண்டியது உட்பட 12 குற்றங்கள் சுமத்தப்பட்டது. அவரை விடுதலை செய்யக்கோரி போராட்டங்களும் நிகழ்ந்து இருக்கிறது.

முடிவு :

நம் தேடலில், உக்ரையின் சிறுமி ரஷ்ய இராணுவ வீரரை விரட்டும் காட்சி எனப் பரவும் வீடியோ உக்ரைனைச் சேர்ந்தது அல்ல , 2012-ல் பாலஸ்தீன சிறுமி இஸ்ரேலிய ராணுவ வீரரைப் பார்த்து கேள்வி எழுப்பிய வீடியோ என அறிய முடிகிறது.

அரசியல் கட்சி, பெரு நிறுவனங்களின் துணை இன்றி இயங்கும் நிறுவனம் , உண்மை கண்டறிதல் செய்வது எத்தனை சிக்கலான பணி என்பது மக்களுக்கு தெரியும். எங்கள் துணையாக உங்களை அழைக்கிறோம் சந்தா கட்டி தொடர்ந்து YouTurn மக்களின் பத்திரிகையாக இயங்க உறுப்பினர் ஆகுங்கள்.

Join Membership

Ask YouTurn

Please complete the required fields.




ஆதாரம்

Leave a Reply

Your email address will not be published. Required fields are marked *

Back to top button