‘மதமாற்ற மாஃபியா’ பெண்களைத் துன்புறுத்தியதாகப் பரப்பப்படும் வள்ளிக்கும்மி வீடியோ!

பரவிய செய்தி

மதமாற்ற மாஃபியா பல பெண்களைத் துன்புறுத்துகிறது. இது பல ஆண்டுகளாக நாடு முழுவதும் நடக்கிறது. இந்த முட்டாள்தனத்தை மக்கள் எவ்வளவு காலம் பொறுத்துக் கொள்ள வேண்டும்?

X link | Archive link

மதிப்பீடு

விளக்கம்

கிறிஸ்தவத்திற்கு மதமாற்றம் செய்து பல பெண்கள் துன்புறுத்தப்படுவதாக வீடியோ ஒன்று சமூக வலைத்தளத்தில் பரப்பப்படுகிறது. அதில், சில பெண்கள் சாமி வந்தது போல் ஆடுகின்றனர். அப்படி ஆடுபவர்களை ஆண்களும் பெண்களும் சேர்ந்து அடக்குகின்றனர். இந்தியா முழுவதும் இப்படி மதமாற்ற மாஃபியாவால் பெண்கள் துன்புறுத்தப்படுவதாக அப்பதிவில் குறிப்பிடப்பட்டுள்ளது. 

உண்மை என்ன?

பரவக் கூடிய வீடியோவில் பின்னணியில் ’எட்டுப்பட்டி ராசா’ என்னும் திரைப்படத்தில் இடம்பெற்ற ’மேற்கு சீமையிலே வேக்காட்டு கோவிலில் கதை ஒன்னு நடக்குதம்மா’ என்னும் பாடல் இடம்பெற்று இருப்பதைக் கேட்க முடிகிறது. அது இந்து மத பெண் கடவுளை மையமாகக் கொண்ட பாடல். 

மேலும் அந்த வீடியோவில் ‘DHAYALAN.V1987’ என்கிற பெயர் உள்ளது. அதனைக் கொண்டு இன்ஸ்டாகிராமில் தேடியதில், பரவக் கூடியது போன்ற வேறு சில வீடியோக்கள் அப்பக்கத்தில் இருப்பதைக் காண முடிந்தது. 

Instagram link

அதில் ஒரு வீடியோவில் பரவக் கூடியதில் இருக்கக் கூடிய பெண்கள் உள்ளனர். அப்பதிவில் Valli kummi family… கொங்கு நாடு…’ எனக் குறிப்பிடப்பட்டுள்ளது. அப்பக்கத்தில் பெரும்பாலும் வள்ளிக்கும்மி தொடர்பான வீடியோக்களே உள்ளன. 

வள்ளிக் கும்மியின் போது சாமி வந்தது போல் ஆடியவர்களை அங்கிருந்தவர்களோ அல்லது உறவினர்களோ கட்டுப்படுத்த முயன்றுள்ளனர். அதனைக் கிறிஸ்தவ மதத்துடன் தொடர்புப்படுத்தி தவறாக சமூக வலைத்தளத்தில் பரப்பப்படுகிறது. 

மேலும் படிக்க : ‘வள்ளிக்கும்மி’ என்ற பெயரில் நடத்தப்படும் சாதி அரசியலும், பின்னணியும் !

முடிவு : 

கிறிஸ்தவ மதமாற்றக் கும்பல் பெண்களைத் துன்புறுத்துவதாகப் பரப்பப்படும் வீடியோ குறித்த தகவல் உண்மை அல்ல. அது வள்ளிக் கும்மி ஆடக்கூடிய பெண்கள் சிலர் சாமி வந்தது போல் ஆடியபோது எடுக்கப்பட்டது. 

Please complete the required fields.




Gnana Prakash

Gnanaprakash graduated from University of Madras in 2017, with a Masters in Journalism and Mass Communication. He worked previously with a couple of other online news outlets as a Sub Editor.
Back to top button
loader