நல்ல நேரம் பார்த்து உதயநிதி கையெழுத்திட்டதாகத் தினமலர் வெளியிட்ட பொய் செய்தி !
பரவிய செய்தி
நேரம் பார்த்து கோப்பில் கையெழுத்திட்ட உதயநிதி
மதிப்பீடு
விளக்கம்
சேப்பாக்கம் – திருவல்லிக்கேணி சட்டமன்ற உறுப்பினரும் திமுகவின் இளைஞரணி செயலாளருமான உதயநிதி ஸ்டாலின் டிசம்பர் 14ம் தேதி அமைச்சராகப் பதவியேற்க உள்ளதாக 2022, டிசம்பர் 12ம் தேதி ஆளுநர் மாளிகை செய்தி அறிக்கை வெளியிட்டது.
இதனைத் தொடர்ந்து கடந்த 14ம் தேதி உதயநிதி ஸ்டாலினுக்கு ஆளுநர் ஆர்.என்.ரவி பதவிப்பிரமாணமும் ரகசிய காப்பு பிரமாணமும் செய்து வைத்தார். அவருக்கு இளைஞர் நலன் மற்றும் விளையாட்டு மேம்பாட்டுத் துறை அளிக்கப்பட்டுள்ளது.
நல்ல நேரம் பார்த்து கையெழுத்து, ஈ.வே.ரா திடலில் மரியாதையை – கழகத்து அரசியலை கையில் எடுத்த உதயநிதிhttps://t.co/1ajUwAL0SX
— Kathir News (@KathirNews) December 14, 2022
Archive link | News archive link
நல்ல நேரம் பார்த்து கோப்புல கையெழுத்து போடும் பகுத்தறிவு செம்மல் #சின்னதத்தி_எனும்_தான் pic.twitter.com/ZhTDdNW3wz
— KL Iyer (@amgeminigal) December 14, 2022
அவர் அமைச்சராகப் பதவியேற்று முதல் கோப்பில் நேரம் பார்த்துக் கையெழுத்திட்டதாகத் ‘தினமலர்’ நியூஸ் கார்ட் ஒன்றினை டிவிட்டர் பக்கத்தில் பதிவிட்டுள்ளது. அதேபோல் “நல்ல நேரம் பார்த்து முதல் கோப்பில் கையெழுத்திட்ட உதயநிதி” என்ற தலைப்பில் தினமலர் மற்றும் ‘கதிர் நியூஸ்’ இணையதளமும் செய்தி வெளியிட்டுள்ளது.
கையெழுத்த போடுப்பா
ஏன் நல்ல நேரம் பாக்குற
இந்துக்களை இனியும் ஏமாற்ற முடியாது
வரம் தேர்தலில் தெரியும் pic.twitter.com/JTRN6wAR8f— K.Ashok adv (@ashok777_kalam) December 15, 2022
நல்ல நேரம் பார்த்து கோப்பில் கையெழுத்திட்ட உதயநிதி-செய்தி
"இங்க டிவிட்டர்ல உலாவரும் திமுகவின் பகுத்தறிவு போராளிங்க யாரும் பாலிடாயில் அடிச்சிராதீங்க" pic.twitter.com/hzeklMPGt0
— ஆவரை பால் (@avaraipaul) December 15, 2022
தினமலரின் நியூஸ் கார்டினை பாஜக மற்றும் நாம் தமிழர் கட்சியைச் சேர்ந்த பலரும் சமூக வலைத்தளங்களில் பதிவிட்டு வருகின்றனர்.
உண்மை என்ன ?
உதயநிதி ஸ்டாலின் இளைஞர் நலன் மற்றும் விளையாட்டு மேம்பாட்டுத் துறை அமைச்சராகப் பதவியேற்று முதல் கையெழுத்திட்ட வீடியோ குறித்து இணையத்தில் தேடினோம். கலைஞர் செய்திகள் யூடியூப் பக்கத்தில் “Minister Udhayanidhi Stalin கையெழுத்துப் போட்ட திட்டம் என்ன? | First Sign | Exclusive | Youth Welfare” என்ற தலைப்பில் 2022, டிசம்பர் 14ம் தேதி வீடியோ பதிவிடப்பட்டுள்ளது.
சுமார் 6 நிமிடம் கொண்ட அந்த வீடியோவில் 1 நிமிடம் 35வது வினாடியில் அமைச்சர் உதயநிதி ஸ்டாலினிடம் கையெழுத்து இடுவதற்காகக் கோப்புகள் அளிக்கப்படுகிறது. நகராட்சி நிர்வாகத்துறை அமைச்சர் கே.என்.நேரு தனது பேனாவை உதயநிதியிடம் அளிக்கிறார்.
அதனைத் தொடர்ந்து உதயநிதி கோப்பில் கையெழுத்து இடுகிறார். அந்த கையெழுத்தினை சுட்டிக்காட்டி கே.என்.நேரு உதயநிதியிடம் ஏதோ சொல்கிறார். பிறகு உதயநிதி தனது கை கடிகாரத்தினை பார்த்து கோப்பில் தேதியினை குறிப்பிடுகிறார். அதற்கு அடுத்து அளிக்கப்படக் கோப்பில் கையெழுத்து மற்றும் தேதி இடுவதைக் காண முடிகிறது.
மேலும், இது குறித்துத் தேடியதில், Mobile Journalist என்ற யூடியூப் பக்கத்தில் பதிவிடப்பட்டுள்ள வீடியோவின் 19 வினாடியிலும் இதனை உறுதிசெய்ய முடிகிறது.
முடிவு :
நம் தேடலில், உதயநிதி ஸ்டாலின் அமைச்சராகப் பதவியேற்று நல்ல நேரம் பார்த்து முதல் கையெழுத்து இட்டதாகத் தினமலர் வெளியிட்டிருக்கும் செய்தி உண்மை அல்ல. கையெழுத்திட்ட பிறகு தேதியைக் குறிப்பிடவே தனது கை கடிகாரத்தைப் பார்த்துள்ளார் என்பதை அறிய முடிகிறது.